Almatyda tanysý saıttary arqyly adamdardy aldap, tonaǵandar ustaldy

Foto: polisia.kz

Almatyda tanysý saıttary arqyly er adamdardy aldap, tonap kelgen kúdiktiler toby ustaldy, – dep habarlaıdy qandastar.kz  Polisia.kz-ke silteme jasap.

Qaskóılerdiń áreket etý shemasy qarapaıym, biraq olar úshin óte tıimdi bolǵan: qyzdar tanysý saıttarynda er adamdardyń nazaryn aýdaryp, olardy jeke kezdesýge shaqyrǵan. Kezdesý barysynda sybaılastary kenetten shabýyl jasap, jábirlenýshilerdiń aqshasy men baǵaly zattaryn tartyp alǵan.

Almaty qalalyq Polıııa departamentiniń Krımınaldyq polıııa basqarmasynyń bastyǵy Talant Isaevtyń aıtýynsha, jedel-izdestirý sharalary barysynda osyndaı alty qylmys jasaǵanyn moıyndaǵan 26 kúdikti ustaldy.

— Kúdiktilerdiń barlyǵy qamaýǵa alyndy, tergeý amaldary júrgizilip jatyr. Olardyń basqa da qylmystarǵa qatysy bar-joǵy tekserilýde. Mundaı áreketter tek qurbandarǵa ǵana emes, jalpy qoǵamǵa úlken qaýip tóndiredi, – dedi Isaev.

Eske sala keteıik, buǵan deıin polıııa tanysý saıttaryn ózderiniń qylmystyq áreketterine paıdalanatyn qylmystyq toptardyń belsendiligi týraly eskertip, ınternet arqyly tanysqan kezde saq bolýǵa shaqyrǵan edi.