Almatyda taýly aımaqta qurylys normalaryn buza otyryp salynǵan úıler súrilýde

Foto: gov.kz

Almaty qalasynyń qala qurylysyn baqylaý basqarmasynyń málimetinshe, «Jańarý» JK, 556 mekenjaıynda ornalasqan bloktyq turǵyn úıler buzylyp jatyr, dep habarlaıdy qandastar.kz

Úı ıesine (jeke tulǵaǵa) qurylys jumystary bastalǵanǵa deıin taýdyń etegin kesip, tireý qabyrǵasyn turǵyzǵany úshin ákimshilik sharalar qoldanylyp, buzýshylyqtardy joıý týraly nusqama shyqqan, keıin sot arqyly májbúrli túrde oryndatý týraly talap aryz berilgen.

Orda.kz jazǵandaı,  odan keıin baqsha úılerin salýǵa berilgen ruqsat qujattaryna súıene otyryp, menshik ıesi eki bloktyq turǵyn úıdiń qurylysyn bastaǵan. Qurylys jumystary aıaqtalǵan soń, nysandy «baqsha úıi»  retinde paıdalanýǵa bergen, alaıda bul is-áreket bekitilgen eskızdik jobaǵa saı kelmegen.

Almaty qalasynyń qala qurylysyn baqylaý basqarmasy menshik ıesine qatysty ákimshilik shara qoldanyp, 2024 jyldyń 16 mamyrynda Bostandyq aýdandyq sotyna bastapqy ruqsat qujattaryn joıý jáne nysandy súrý týraly talap aryz túsirgen.

2025 jyldyń 20 mamyrynda sot isteri aıaqtalyp, menshik ıesiniń apellıaııalyq shaǵymy qanaǵattandyrylmady, jáne nysandy súrý týraly sot sheshimi zańdy kúshine endi.

Úıdi súrý jumystary Almaty qalasy Ádilet departamentiniń sot oryndaýshylarynyń qatysýymen bastaldy.