الماتىدا تۇنگى كلۋب باسشىسى قىزمەتكەرىن زورلاعانى راس پا?

الماتىدا تۇنگى مەكەمە قىزمەتكەرىن زورلادى دەگەن كۇدىكپەن ەر ادام ۇستالدى, دەپ حابارلايدى Qandastar.kz اقپارات پورتالى.

قالالىق پوليتسيا دەپارتامەنتىنىڭ مالىمەتىنشە. ءوزىن ەليسەي دەپ تانىستىرعان ايەل الماتى قالاسىنداعى تۇنگى مەكەمەلەردىڭ بىرىندە زورلانعانىن ايتقان, بۇل تۋرالى ۆيدەو الەۋمەتتىك جەلىگە مونيتورينگ جۇرگىزۋ بارىسىندا انىقتالدى.

«اتالعان دەرەك بويىنشا مەدەۋ اۋداندىق پوليتسيا باسقارماسى قىلمىستىق ءىس قوزعادى. جەدەل ىزدەستىرۋ ءىس-شارالارى بارىسىندا جابىرلەنۋشىنىڭ جەكە باسى انىقتالىپ, ول پوليتسياعا رەسمي تۇردە ارىزداندى», — دەپ جازىلعان حابارلامادا.

كۇدىكتى رەتىندە 29 جاستاعى ازامات – اتالعان مەكەمەنىڭ باسشىسى ۇستالىپ, ۋاقىتشا ۇستاۋ يزولياتورىنا قامالدى.

قازىرگى ۋاقىتتا قاجەتتى تەرگەۋ امالدارى جۇرگىزىلىپ جاتىر.

«الدىن الا تەرگەۋدىڭ بارىسىن الماتى قالالىق پوليتسيا دەپارتامەنتىنىڭ باسشىلىعى باقىلاۋعا الدى», — دەيدى پوليتسيا قىزمەتكەرلەرى.

تەرگەۋ بارىسىندا كۇدىكتىنىڭ ارەكەتىنە قۇقىقتىق باعا بەرىلەدى, ونىڭ ىشىندە مالىمدەلگەن جاعدايلار ەسكەرىلەدى.