Almatyda turǵyn úıde jarylys bolyp, er adam qaza tapty

Almatydaǵy turǵyn úılerdiń birinde bolǵan jarylystyń vıdeosy áleýmettik jelide tarady, dep habarlaıdy Qandastar.kz aqparat portaly.

Qalalyq Tótenshe jaǵdaılar departamenti oqıǵaǵa qatysty alǵashqy derektermen bólisti.

Aldyn ala málimet boıynsha, jarylysqa gaz-aýa qospasynyń tutanýy sebep bolǵan. 1980 jyly salynǵan úı jarylystan qatty zaqymdanyp, keı bólikteri qıraǵan. Qutqarýshylar úıindi astynan 1949 jyly týǵan er adamnyń máıitin tapty. Qazir oqıǵanyń naqty sebepteri men mán-jaıyn arnaıy qurylǵan tergeý toby anyqtap jatyr.

Oqıǵa ornynda jedel shtab jumys istep jatyr. Almaty qalasynyń jergilikti atqarýshy organdary, TJD, kınologııalyq qyzmetter, TJM-niń Respýblıkalyq jedel-qutqarý jasaǵy, 109 qalalyq qutqarý qyzmeti, apattar medıınasy ortalyǵy jáne ózge de ózara árekettesý qyzmetteri jumyldyrylǵan.

«Oqıǵanyń sebepteri men mán-jaıyn jedel-tergeý toby anyqtap jatyr», – dep qosty departament ókilderi.