Jańalyqtar

Almatyda túzetý ortalyǵynyń mamany aýtıst qyzdy qorlaǵan

Almatyda erekshe balalarǵa arnalǵan túzetý ortalyqtarynyń birinde janjal shyqty. Aýtızmge shaldyqqan qyzdyń anasy balaǵa qatygezdik kórsetken muǵalimdi jazalaýdy suraıdy, dep jazdy Qandastar.kz saıty Informbıýroǵa silteme jasap.

Almatydaǵy jekemenshik túzetý ortalyǵynda muǵalimniń balaǵa agressııa kórsetip jatqan vıdeosy tarady. Maman toǵyz jasar Nadııaǵa aıǵaılaılap, ony julqylaǵan.

Qyz ortalyqqa sáýirden beri baryp júr. Anasy balasynyń qolynan kógergen jerlerin kórgen. Áıel birden dabyl qaǵyp, beınejazbany berýdi surady.

«Aıaǵymen basyp, qolyn sermeıdi, julqylaıdy. Qyzym qolymen basyn jabady. Ol eshqashan bulaı jasamaǵan. Erekshe balaǵa bir nárseni úıretýge uzaq ýaqyt kerek, ıaǵnı bul reakııany boıynda qalyptastyrǵan. Osy ortalyqta tergeý júrgizilip, mamannyń jazalanýyn qalaımyn», – dedi balanyń anasy Rızvangúl Ybyraıymova.

Rızvangúl advokatymen birge ádildik ornatý úshin birneshe aıdan beri quqyq qorǵaý organdarynyń esigin qaǵyp júr.

Atalǵan fakti boıynsha Medeý aýdandyq polıııa bólimi «Kámeletke tolmaǵan balany tárbıeleý jónindegi mindetterdi oryndamaý» baby boıynsha qylmystyq is qozǵady.

«Qazir oqıǵanyń barlyq mán-jaıyn anyqtaýǵa, qatysýshylar men kýágerlerdi suraýǵa, saraptamalyq qorytyndylardy alýǵa baǵyttalǵan jedel-izdestirý sharalary kesheni júrgizilip jatyr. Tergeý barysy erekshe baqylaýda. Onyń qorytyndysy boıynsha kináli tulǵalar zańǵa sáıkes jaýapkershilikke tartylady», – delingen habarlamada.

Rızvangúl Ibraımova qazir balasyn úıde oqytyp jatyr. Osy oqıǵadan keıin erekshe bala muǵalimdermen oqýǵa qorqady.

Ilmekter

Osy aıdarda

Dobavıt kommentarıı

Close