Almatyda UQShU Qaýipsizdik keńesteri hatshylary komıtetiniń otyrysy ótti

Almatyda Ujymdyq qaýipsizdik týraly shart uıymynyń Qaýipsizdik keńesteri hatshylary komıtetiniń otyrysy ótti. Qatysýshylar uıymǵa qarasty aımaqtaǵy jaǵdaı jóninde pikir almasty

Qazaqstan Respýblıkasy Qaýipsizdik Keńesiniń hatshysy Ǵızat Nurdáýletov áriptesterine uıym qyzmetiniń ózekti baǵyttaryn, Qazaqstannyń uıymǵa tóraǵalyǵynyń basymdyqtary aıasyndaǵy elimizdiń ustanymyn aıtty. Halyqaralyq terrorızm, kıberqylmys, esirtki men qarý-jaraqtyń zańsyz aınalymy sııaqty qaýip-qaterlerge qarsy is-qımyl sharalaryna da nazar aýdaryldy. Otyrys qorytyndysy boıynsha «Tájik-aýǵan shekarasyn nyǵaıtý jónindegi uıymnyń maqsatty memleketaralyq baǵdarlamasy týraly» sheshiminiń jobasy maquldandy. Jıynǵa qatysýshylar uıymdy odan ári nyǵaıtýǵa nıetti ekenin rastady. Imanǵalı Tasmaǵambetov, UQShU bas hatshysy: – Ujymdyq qaýipsizdik týraly shart uıymynyń birikken kúshterin zamanaýı áskerı tehnıkamen qamtamasyz etý úshin hatshylyq shtabpen birlesip qujat jobasyn ázirledi.

Ol Ortalyq Azııa aımaǵynda Ujymdyq kúshterdiń quramyna kiretin áskerı bólimder men qurylymdaryń áskerı ál-aýqatyn arttyrýǵa múmkindik beredi.