جاڭالىقتار
الماتىدا ۇلتتىق قاۋىپسىزدىك اكادەمياسىنىڭ كۋرسانتى جوعارى قاباتتان قۇلاپ, قازا تاپتى
فوتو: pixabay.com
الماتىدا 22 قىركۇيەككە قاراعان ءتۇنى ۇلتتىق قاۋىپسىزدىك كوميتەتىنىڭ شەكارا اكادەمياسىنىڭ كۋرسانتى مەرت بولدى. پوليتسيا بۇل اقپاراتتى راستادى. بۇل تۋرالى qandastar.kz Stan.kz اقپارات اگەنتتىگىنە سىلتەپ حابارلايدى.
دەرەكتەرگە سەنسەك, الماتىدا تۇرعىن ءۇي كەشەندەرىنىڭ ءبىرىنىڭ جوعارعى قاباتتاعى پاتەر تەرەزەسىنەن ۇقك شەكارا اكادەمياسىنىڭ كۋرسانتى قۇلاعان.
قايعىلى وقيعا 22 قىركۇيەككە قاراعان ءتۇنى دوستىق داڭعىلىندا بولدى. مارقۇم – 19 جاس شاماسىندا.
«اتالعان فاكت بويىنشا مەدەۋ اۋداندىق پوليتسيا باسقارماسى قىلمىستىق ءىس قوزعادى. وقيعانىڭ سەبەبى مەن ءمان-جايى انىقتالۋ ۇستىندە», – دەپ حابارلادى قالالىق پوليتسيا دەپارتامەنتىنىڭ ءباسپاسوز قىزمەتى.
ەسكە سالايىق, بۇعان دەيىن 2024 جىلدىڭ 21 قىركۇيەگىندە الماتىدا بوستاندىق اۋدانىندا وقۋشى قىز قازا تاپتى. ول تۇرعىن ءۇي كەشەندەرىنىڭ ءبىرىنىڭ 13-قاباتىنداعى بالكوننانقۇلاعان.
