ALMATYDA JAŃA ZERTHANA AShYLDY

Akademık Qanysh Sátbaevtyń 125 jyldyǵyna oraı Almatydaǵy «Metallýrgııa jáne ken baıytý ınstıtýtynda» jańa zerthana ashyldy. Ken oryndaryn ıgerýde tyń tehnologııalardy damytýǵa baǵyttalǵan joba Qytaıdyń damý qaýymdastyǵymen birlesip júzege asyrylyp jatyr. Búgin Qytaıdyń iri ǵylymı-zertteý ortalyǵy, «Jetisý Volframy» kásiporny men otandyq «Metallýrgııa jáne ken baıytý ınstıtýty» yntymaqtastyq týraly memorandýmǵa qol qoıdy.

Kelisim aıasynda Sátbaev ýnıversıtetiniń stýdentteri jańa zerthanada óndiristik tájirıbeden ótip, kásibı biliktilikti meńgeredi. «Ortaq joba — Qazaqstan men Qytaı arasyndaǵy mıneraldyq resýrstar salasyndaǵy yntymaqtastyqty nyǵaıtyp, bilim almasý úshin jańa múmkindikterge jol ashady», — deıdi mamandar. Baqdáýlet Kenjalıev, «Metallýrgııa jáne ken baıytý ınstıtýtynyń» bas dırektory: — Volfram keni dúnıejúzinde 4-orynda turady, qory jóninde. Sol osy Jetisý óńirinde. Jylyna bular 4,5 mln tonna rýda óndiredi, eki ken orny bar. Soǵan ǵylymı jumysqa biz qatysamyz. Sondyqtan bul laboratorııanyń keleshegi óte zor dep oılaımyn.