الماتىدا جاستارعا ارنالعان «BookVibe» كىتاپ كورمەسى ءوتتى

28 گۆاردياشى-پانفيلوۆشىلار ساياباعىندا الماتى قالاسى جاستار ساياساتى باسقارماسىنىڭ قولداۋىمەن «جاۋحار» قوعامدىق قورى ۇيىمداستىرعان «BookVibe» كىتاپ باسپالارى جارمەڭكەسى مەن بەلگىلى كىتاپ اۆتورلارىمەن كەزدەسۋلەر ءوتتى.

قالا تۇرعىندارى ءۇشىن بۇل ادەبيەت الەمىنە ەنىپ, وتكەن جانە قازىرگى زاماننىڭ بەلگىلى جازۋشىلارى مەن شىعارمالارىنىڭ اۆتورلارىمەن كەزدەسۋگە تاماشا مۇمكىندىك بولدى.
ايتۋلى شارا ەلىمىزدە جىل سايىن شىلدەنىڭ العاشقى جەكسەنبىسىندە اتالىپ وتەتىن ۇلتتىق دومبىرا كۇنىمەن تۇسپا-تۇس كەلدى. وسىعان وراي «BookVibe» كورمەسى ۇلتتىق اسپابىمىزدىڭ سۇيەمەلدەۋىندەگى اسەم كۇيمەن اشىلىپ, مادەني مۇرامىزدى ناسيحاتتاپ جۇرگەن دومبىراشىلار جارمەڭكەنىڭ سوڭىنا دەيىن ءارتۇرلى كومپوزياتسيالار ويناپ, ءىس-شاراعا كۋا بولعان باسپا وكىلدەرىنە, قالا تۇرعىندارى مەن قوناقتارىنا ەرەكشە اسەر سىيلادى.

شارا بارىسىندا حالىقتىڭ ىقىلاسىنا بولەنگەن ايتىسكەر اقىن سىرىم اۋەزحان جيىن قوناقتارى مەن بارشا جاستاردىڭ نازارىن وزىنە اۋدارا وتىرىپ, ۇيىمداستىرىلعان ءىس-شارانىڭ ماڭىزىن ءتۇسىندىرىپ, دومبىرامەن ارناۋ شىعارىپ, جىر جولدادى.
شىلدە ايىنىڭ ىستىق اۋا-رايىنا قاراماستان, كىتاپ شاراسى الماتىلىقتاردىڭ جۇرەگىن جاۋلاپ الدى.

بەلگىلى جازۋشىلار مەن باسپا وكىلدەرىنىڭ سوزدەرى قوناقتاردىڭ نازارىن اۋداردى.

جازۋشى, كينودراماتۋرگ, تۇركى دۇنيەسى ادەبي سىيلىعىنىڭ لاۋرەاتى, ت. جۇرگەنوۆ اتىنداعى ونەر اكادەمياسىنىڭ پروفەسسورى قازاقستاننىڭ ەڭبەك سىڭىرگەن قايراتكەرى, «قۇرمەت» وردەنىنىڭ يەگەرى, جازۋشى ەلۋباي سماعۇل وسى جوبا جايلى وڭ كوزقاراسىن ءبىلدىرىپ, كوركەم ادەبەت تىلىمەن كەزدەسۋگە قاتىسۋشىلاردى باۋلىدى.

«سيتۋاتيۆنىي كازاحسكي» اتتى ءۇش تومدىق وزدىگىنەن وقۋ قۇرالىنىڭ اۆتورى كانات تاسيبەكوۆ, «نوۆايا سوۆرەمەننيك» جازۋشىلار وداعىنىڭ جانە الماتى ادەبيەت ءۇيىنىڭ مۇشەسى. «جىلدىڭ ۇزدىك عىلىمي فانتاستيكاسى جانە دەتەكتيۆى» نوميناتسياسى بويىنشا قازاقستاننىڭ ءبىرىنشى «اتىن قالام» سىيلىعىنىڭ يەگەرى ليۋدميلا لازارەۆا, دارىگەر, جازۋشى ي اۆتور كنيگي «ودنا چيورنو-بەلايا ليۋبوۆ ي چەتىرە تسۆەتنىە رەۆوليۋتسي», «ۆ وجيداني كايروسا» كىتابى بويىنشا مەتسەنات سىيلىعىنىڭ ءفيناليستى كەمەن بايجاراسوۆا, حالىقارالىق «شابىت» فەستيۆالىنىڭ پروزا نوميناتسياسى بويىنشا گران-پري جۇلدەگەرى. «جۇمباق كىتاپ», «اجالدى قۋعان جىگىت», « ۇلى ادام» شىعارمالارىنىع اۆتورى ماقسات مالىك, IQ-arna قوعامدىق قورىنىڭ جەتەكشىسى ايگەريم اگىلتاەۆا (كونكۋرس كازاحستانسكيح رومانوۆ مەتسەنات كز) جانە, Kitap fest جوباسىنىڭ كوورديناتورى ابديكاحاروۆا اكتوتى وزدەرىنىڭ كىتاپتارى مەن شىعارماشىلىق يدەيالارىمەن ءبولىستى. جارمەڭكەگە قۋانىش شونباي, سىرىم اۋەزحان جانە ت. ب. سياقتى شوۋ-بيزنەس وكىلدەرى دە كەلدى.

ءىس-شارانىڭ مودەراتورى رەتىندە بەلگىلى جازۋشى جانە «ەرەن ەڭبەگى ءۇشىن» مەدالىنىڭ يەگەرى بەكنۇر قيسىقوۆ اۆتورلار مەن وقىرماندار اراسىنداعى قىزىقتى جانە تانىمدىق قارىم-قاتىناس اتموسفەراسىن, كىتاپتاردىڭ ءار ادامنىڭ ومىرىندەگى ماڭىزدىلىعىن اتاپ ءوتتى.

جارمەڭكەدە بۇل جولى 20-دان استام باسپانىڭ كىتاپ ونىمدەرى ۇسىنىلدى. (Ordagen باسپاسى, AmalBooks باسپاسى, زيات باسپاسى, وتباسى حرەستوماتياسى باسپاسى, مازمۇنداما باسپاسى جانە دە باسقا ءىرى باسپالار). سونىمەن قاتار كىتاپ الماسۋ الاڭى جانە سۇراق-جاۋاپ ويىندارى ۇيىمداستىرىلىپ, وندا ءاربىر كەلۋشى قىزىقتى كىتاپ تاۋىپ قانا قويماي, ونى باسقا وقۋ اۋەسقويلارىمەن الماستىرا الدى.

ۇيىمداستىرۋشىلاردىڭ ايتۋىنشا, ءىس-شارانىڭ ماقساتى «BookVibe» جوباسىنىڭ بىرەگەي مۇمكىندىكتەرىن كورسەتۋ, جاس وقىرمانداردى كوبىرەك تارتۋ, وقۋ اۋەسقويلارى مەن اۆتورلاردى بىرىكتىرۋ بولدى. ۇيىمداستىرۋشىلار «BookVibe» كورمەسىن بيىل تاعى ەكى رەت وتكىزۋگە نيەتتى.

«BookVibe» كىتاپ اۋەسقويلارىن بىرىكتىرىپ قانا قويماي, كوپتەگەن ادامداردى جاڭا ادەبي جاڭالىقتارعا شابىتتاندىردى. بۇل شارا الماتىنىڭ مادەني ءومىرىن دامىتۋداعى ماڭىزدى قادام بولدى, ادەبيەتتىڭ قوعام ومىرىندەگى ماڭىزدىلىعىن كورسەتىپ, جاستار اراسىندا وقۋدى دامىتۋعا ىقپال ەتتى.