Almatyda jastarǵa arnalǵan «BookVibe» kitap kórmesi ótti

28 gvardııashy-panfılovshylar saıabaǵynda Almaty qalasy Jastar saıasaty basqarmasynyń qoldaýymen «Jaýhar» qoǵamdyq qory uıymdastyrǵan «BookVibe» kitap baspalary jármeńkesi men belgili kitap avtorlarymen kezdesýler ótti.

Qala turǵyndary úshin bul ádebıet álemine enip, ótken jáne qazirgi zamannyń belgili jazýshylary men shyǵarmalarynyń avtorlarymen kezdesýge tamasha múmkindik boldy.
Aıtýly shara elimizde jyl saıyn shildeniń alǵashqy jeksenbisinde atalyp ótetin ulttyq dombyra kúnimen tuspa-tus keldi. Osyǵan oraı «BookVibe» kórmesi ulttyq aspabymyzdyń súıemeldeýindegi ásem kúımen ashylyp, mádenı muramyzdy nasıhattap júrgen dombyrashylar jármeńkeniń sońyna deıin ártúrli kompozııaııalar oınap, is-sharaǵa kýá bolǵan baspa ókilderine, qala turǵyndary men qonaqtaryna erekshe áser syılady.

Shara barysynda halyqtyń yqylasyna bólengen aıtysker aqyn Syrym Áýezhan jıyn qonaqtary men barsha jastardyń nazaryn ózine aýdara otyryp, uıymdastyrylǵan is-sharanyń mańyzyn túsindirip, dombyramen arnaý shyǵaryp, jyr joldady.
Shilde aıynyń ystyq aýa-raıyna qaramastan, kitap sharasy almatylyqtardyń júregin jaýlap aldy.

Belgili jazýshylar men baspa ókilderiniń sózderi qonaqtardyń nazaryn aýdardy.

Jazýshy, kınodramatýrg, Túrki dúnıesi ádebı syılyǵynyń laýreaty, T. Júrgenov atyndaǵy О́ner akademııasynyń professory Qazaqstannyń eńbek sińirgen qaıratkeri, «Qurmet» ordeniniń ıegeri, jazýshy Elýbaı Smaǵul osy joba jaıly oń kózqarasyn bildirip, kórkem ádebet tilimen kezdesýge qatysýshylardy baýlydy.

«Sıtýatıvnyı kazahskıı» atty úsh tomdyq ózdiginen oqý quralynyń avtory Kanat Tasıbekov, «Novaıa sovremennık» Jazýshylar odaǵynyń jáne Almaty ádebıet úıiniń múshesi. «Jyldyń úzdik ǵylymı fantastıkasy jáne detektıvi» nomınaııasy boıynsha Qazaqstannyń birinshi «Atyn qalam» syılyǵynyń ıegeri Lıýdmıla Lazareva, Dáriger, jazýshy ı avtor knıgı «Odna chıorno-belaıa lıýbov ı chetyre vetnye revolıýıı», «V ojıdanıı Kaırosa» kitaby boıynsha Meenat syılyǵynyń fınalısti Kemen Baıjarasova, Halyqaralyq «Shabyt» festıvaliniń proza nomınaııasy boıynsha Gran-Prı júldegeri. «Jumbaq kitap», «Ajaldy qýǵan jigit», «Uly adam» shyǵarmalarynyǵ avtory Maqsat Málik, IQ-arna qoǵamdyq qorynyń jetekshisi Aıgerım Agyltaeva (Konkýrs kazahstanskıh romanov Meenat kz) jáne, Kitap fest jobasynyń koordınatory Abdıkaharova Aktoty ózderiniń kitaptary men shyǵarmashylyq ıdeıalarymen bólisti. Jármeńkege Qýanysh Shonbaı, Syrym Aýezhan jáne t. b. sııaqty shoý-bıznes ókilderi de keldi.

Is-sharanyń moderatory retinde belgili jazýshy jáne «Eren eńbegi úshin» medaliniń ıegeri Beknur Qısyqov avtorlar men oqyrmandar arasyndaǵy qyzyqty jáne tanymdyq qarym-qatynas atmosferasyn, kitaptardyń ár adamnyń ómirindegi mańyzdylyǵyn atap ótti.

Jármeńkede bul joly 20-dan astam baspanyń kitap ónimderi usynyldy. (Ordagen baspasy, AmalBooks baspasy, Zııat baspasy, Otbasy hrestomatııasy baspasy, Mazmundama baspasy jáne de basqa iri baspalar). Sonymen qatar kitap almasý alańy jáne suraq-jaýap oıyndary uıymdastyrylyp, onda árbir kelýshi qyzyqty kitap taýyp qana qoımaı, ony basqa oqý áýesqoılarymen almastyra aldy.

Uıymdastyrýshylardyń aıtýynsha, is-sharanyń maqsaty «BookVibe» jobasynyń biregeı múmkindikterin kórsetý, jas oqyrmandardy kóbirek tartý, oqý áýesqoılary men avtorlardy biriktirý boldy. Uıymdastyrýshylar «BookVibe» kórmesin bıyl taǵy eki ret ótkizýge nıetti.

«BookVibe» kitap áýesqoılaryn biriktirip qana qoımaı, kóptegen adamdardy jańa ádebı jańalyqtarǵa shabyttandyrdy. Bul shara Almatynyń mádenı ómirin damytýdaǵy mańyzdy qadam boldy, ádebıettiń qoǵam ómirindegi mańyzdylyǵyn kórsetip, jastar arasynda oqýdy damytýǵa yqpal etti.