الماتىدا جەلتوقسان قاتىسۋشىلارىنىڭ لگبت-عا قارسى اكتسياسى ءوتتى

قوعامدا لگبت وكىلدەرىنە دەگەن وشپەندىلىك قالىپتاسقانداي. الماتىدا «تاۋەلسىزدىك تاڭى» ەسكەرتكىشىنىڭ جانىندا ساتباەۆ پەن جەلتوقسان كوشەلەرىنىڭ قيىلىسىندا «جەلتوقسان 86» قوعامدىق بىرلەستىگىنىڭ قاتىسۋشىلارى جينالىپ, لگبت-عا قارسى اكتسيا وتكىزدى.

اكتسيانىڭ ماقساتى – ۇلتتىق قۇندىلىقتاردىڭ توز-توزىن شىعاراتىن لگبت-عا قارسىلىق ءبىلدىرۋ ەدى. اكتسيا بارىسىندا جەلتوقساننىڭ بىرنەشە ونداعان قاتىسۋشىلارى ءراسىم وتكىزىپ, ادىراسپان جاعىپ, دۇعا وقىدى.

اكتسياعا قاتىسۋشىلاردىڭ ءبىرى گۇلباحرام ءجۇنىس «جەلتوقسان 86» قوعامدىق بىرلەستىگىنىڭ اتىنان: «ءبىز مەملەكەتتەن لگبت-نىڭ مۇددەلەرى, بولاشاعى مەن گۇلدەنگەن حالقىمىزدىڭ تاعدىرى ءۇشىن قاۋىپتى ساناسىز جانە قاۋىپتى ءىس-ارەكەتتەرىنە تىيىم سالۋ جانە جازالاۋ ءۇشىن ارنايى زاڭ تالاپ ەتەمىز» دەگەن تالاپتاردى وقىدى.

جەلتوقسانشىلار بۇل تالاپتى پرەزيدەنتىمىز قاسىم-جومارت توقاەۆقا, پرەمەر-مينيستر بەكتەنوۆكە, دەپۋتاتتار مەن حالىققا جولدادى.
لگبت-عا قارسى اكتسيانىڭ بەينەجازباسى تومەندەگى سىلتەمەدە: https://m.facebook.com/story.php?story_fbid=396021356343858&id=100037666303067&mibextid=w8EBqM