جاڭالىقتار
الماتىدا جەر سىلكىنىسى كەزىندە دۇربەلەڭگە جول بەرگەن بىرقاتار باسشى قاتاڭ جاۋاپقا تارتىلدى
الماتى قالاسىنداعى جەر سىلكىنىسى كەزىندە ءتيىستى ارەكەت ەتپەگەن توتەنشە جاعدايلار مينيسترلىگى مەن قالالىق توتەنشە جاعدايلار دەپارتامەنتىنىڭ بىرقاتار لاۋازىمدى تۇلعالارى جاۋاپقا تارتىلدى.
الماتى قالاسىندا جەر سىلكىنىسى كەزىندە بولىمشەلەردىڭ تيىسىنشە ارەكەت ەتپەۋ فاكتىسى بويىنشا توتەنشە جاعدايلار مينيسترلىگى جۇرگىزگەن قىزمەتتىك تەرگەۋ ناتيجەسىندە 14 قىزمەتكەر قاتاڭ جاۋاپقا تارتىلدى. ونىڭ ىشىندە مينيسترلىكتىڭ 4 باسشىسى, سونداي-اق ولاردىڭ 5 ورىنباسارى, 1 ۆەدومستۆولىق باعىنىستى ۇيىمنىڭ باسشىسى, اۋماقتىق بولىمشەنىڭ باسشىسى جانە ونىڭ ورىنباسارى بار», — دەلىنگەن تجم ءباسپاسوز قىزمەتى تاراتقان حابارلامادا.
سونداي-اق, وندا توتەنشە جاعدايلار مينيسترلىگى مەن توتەنشە جاعدايلار دەپارتامەنتىنىڭ 2 باسشىسىنا قاتىستى جاۋاپكەرشىلىك ەرتەرەك ءوندىرىپ الۋمەن شەكتەلگەنى جازىلعان.
