الماتىدا جەرگىلىكتى پوليتسيا بولىمشەلەرىنىڭ سانى ارتتى

الماتىدا جەرگىلىكتى پوليتسيا بولىمشەلەرىنىڭ سانى ارتتى, دەپ حابارلايدى قازاقپارات ءتىلشىسى. الماتى اكىمىنىڭ تاپسىرماسى بويىنشا, جەرگىلىكتى پوليتسيا كريمينوگەندىك پۋنكتتەردىڭ كارتاسى مەن پاترۋلدىك كارتانى جاسادى. پاترۋلدىك پوليتسيا قىزمەتكەرلەرى جارىعى جوق كوشەلەر مەن اۋلالاردىڭ باستى نازاردا ۇستايدى. سونداي-اق, باقىتجان ساعىنتاەۆ جەرگىلىكتى پوليتسيا بولىمشەلەرىنىڭ سانىن كوبەيتۋدى تاپسىرعان. «الماتى قالاسى 102 اكىمشىلىك ۋچاسكەگە بولىنگەن, وندا پوليتسيا باسقارماسىنىڭ بالانسىندا 67 ۋچاسكەلىك پوليتسيا بەكەتتەرى بار.جايلى قالالىق ورتا باسقارماسىنىڭ قولداۋىمەن 6 ۋچاسكەلىك پوليتسيا پۋنكتەرىنىڭ قۇرىلىسى اياقتالدى. قازىر وندا ينسپەكتورلار جۇمىس ىستەپ جاتىر. تاعى دا 29 ۋچاسكەلەك پۋنكتكە ارنالعان عيماراتتار قاجەت. قالا اكىمدىگى جالعا الاتىن نىسانداردى قارجىلاندىرادى. قىلمىس كارتاسىن پايدالانا وتىرىپ جاسالعان تالداۋعا سايكەس قالا اۋماعىندا 61 ەڭ كريمينوگەندىك ۋچاسكەلەر انىقتالدى, ولاردىڭ بويىندا پاترۋلدىك مارشرۋتتار جاسالدى. تالداۋ قىلمىس ورنى بويىنشا جۇرگىزىلدى. جاياۋ پاترۋلدەر مەن اۆتوەكيپاجداردىڭ پاترۋلدىك باعىتتارى كوپقاباتتى ۇيلەردىڭ اۋلالارى», – دەدى الماتى قالالىق پد جەرگىلىكتى پوليتسيا ءبولىمىنىڭ باستىعى تورەحان يسين. سونداي-اق, ول اۋدان اكىمدىكتەرىمەن بىرلەسىپ, كوشەلەر مەن اۋلالاردى جارىقتاندىرۋ بويىنشا قوسىمشا زەرتتەۋلەر جۇرگىزىلگەنىن ايتتى. جالپى العاندا, 81 كوشەگە جارىق جەتىسپەيدى, 16-سى جارتىلاي جارىقتاندىرىلدى. كوپقاباتتى ۇيلەردىڭ 65 اۋلاسى جارىقتاندىرىلماعان. بارلىق تىزىمدەر الماتى قالاسى اكىمدىگىنىڭ ەنەرگياتيىمدىلىك باسقارماسىنا جىبەرىلدى. «الماتى پوليتسياسى « قاۋىپسىزدىك ۆيزيت كارتاسى » اقپاراتتىق جوباسىن ىسكە قوستى. بۇل جاياۋ پاترۋلدەرىنىڭ جاڭا فورماتىن تاجىريبەگە ەنگىزەتىن ماتەريالدار توپتاماسى. ازاماتتارعا كەز-كەلگەن اۋداندارداعا پاترۋلدىك مارشرۋتتاردىڭ ورنالاسقان جەرى, جاسالعان قىلمىستار, ءپاترۋلدىڭ جەكە قۇرامى, كوشەدەگى جارىقتاندىرۋدى جاقسارتۋ قاجەت جەرلەر تۋرالى اقپاراتتار بەرىلگەن », – دەپ تۇيىندەدى تورەحان يسين.

دەرەككوز: https://www.inform.kz/kz