Almatyda joǵalǵan tikushaqtyń bólshekteri tabyldy

QR Tótenshe jaǵdaılar mınıstrligi Otar eldi mekeni aýmaǵynda baılanys úzilgen Áýe qorǵanys kúshteriniń tikushaǵyna qatysty oqıǵanyń mán-jaıyn anyqtaý boıynsha izdestirý-qutqarý jumystaryn táýlik boıy jalǵastyrýda, dep habarlaıdy qandastar.kz.

Tótenshe jaǵdaılar mınıstrliginiń Komandalyq ortalyǵynda júrgizilgen ǵaryshtyq monıtorıng barysynda Almaty oblysyndaǵy Sorbulaq kóliniń akvatorııasynda maıly daqtyń bolýy múmkin ekendigi anyqtaldy.

— TJM qutqarýshylar toby shuǵyl túrde atalǵan aımaqqa shyqty. Izdeý jumystary túngi ýaqytta da jalǵasty. Jumys barysynda Qorǵanys mınıstrligine tıesili bolýy múmkin áýe kemesiniń fragmentteri tabyldy, — delingen aqparatta.

Oqıǵa ornynda TJM qutqarýshylary jumys isteýde. Eholottar, ushqyshsyz ushý apparattary jáne sýasty drondary sııaqty arnaıy jabdyqtar paıdalanylýda.

Izdestirý-qutqarý jumystaryna jeke quramnan 200-ge jýyq adam, 40 birlik tehnıka, 15 sý kóligi, 4 kınologııalyq eseptop jáne 2 TJM áýe kemesi tartylǵan.