الماتىدا جوعارى لاۋازىمدى اسكەري قىزمەتكەرلەردىڭ ۇستىنەن قىلمىستىق ءىس قوزعالدى

فوتو: دالانيۋس

الماتىدا جوعارى لاۋازىمدى اسكەري قىزمەتكەرلەر قىزمەتتىك وكىلەتتىكتەرىن اسىرا پايدالاندى دەگەن كۇدىككە ءىلىندى, دەپ حابارلايدى    qandastar.kz  Dalanews.kz-كە سىلتەمە جاساپ.

الەۋمەتتىك جەلىلەردە قورعانىس سالاسىنداعى بىرقاتار جوعارى لاۋازىمدى تۇلعالاردىڭ ۇستالعانى تۋرالى اقپارات تارادى.

اتالعان ماسەلەگە قاتىستى قر ىشكى ىستەر مينيسترلىگى Kazinform اگەنتتىگىنە پىكىر ءبىلدىردى.

ء«ىىم اسكەري-تەرگەۋ دەپارتامەنتى قر قىلمىستىق كودەكسىنىڭ 451-بابى (بيلىكتى نەمەسە لاۋازىمدىق وكىلەتتىكتەردى اسىرا پايدالانۋ) بويىنشا الماتى قالاسى قورعانىس ىستەرى جونىندەگى دەپارتامەنتىنىڭ لاۋازىمدى تۇلعالارىنا قاتىستى قىلمىستىق ءىستى تەرگەپ جاتىر. قىلمىستىق-پروتسەستىك كودەكستىڭ 201-بابىنا سايكەس, تەرگەۋ مۇددەسىنە بايلانىستى وزگە مالىمەتتەر جاريا ەتۋگە جاتپايدى», — دەپ مالىمدەدى مينيسترلىك وكىلدەرى.

ەسكە سالايىق, بۇعان دەيىن جامبىل وبلىسىندا اۋىر قىلمىستى جاسىرعان پوليتسيا باسشىسىنىڭ ورىنباسارى ۇستالعانى تۋرالى جازعان ەدىك.

“پروكۋراتۋرا قىلمىستىق كودەكستىڭ 433-بابىنىڭ 2-بولىگى (قىلمىستىق قۇقىقبۇزۋشىلىقتى جاسىرۋ) بويىنشا بايزاق اۋدانى پوليتسيا ءبولىمىنىڭ باسشىسىنىڭ ورىنباسارىنا قاتىستى تەرگەۋگە دەيىنگى تەكسەرۋ باستادى. ول اۋىر ساناتتاعى قىلمىستى قاساقانا جاسىردى دەگەن كۇدىككە ءىلىندى. اتاپ ايتقاندا, اۋداندا بولعان 10,7 ملن تەڭگە ۇرلىعىنا قاتىستى قىلمىستىق قۇقىقبۇزۋشىلىق تۋرالى ارىزدى بىرىڭعاي تەرگەۋ رەەسترىنە تىركەمەي, قىلمىستى جاسىرۋعا تىرىسقان. جينالعان دالەلدەمەلەر نەگىزىندە ونىڭ ارەكەتى قك 433-بابىنىڭ 3-بولىگى 2-تارماعى بويىنشا (الدىن الا ءسوز بايلاسۋ ارقىلى توپ بولىپ اۋىر قىلمىستى جاسىرۋ) سارالاندى.

كۇدىكتى پوليتسيا قىزمەتكەرى قىلمىستىق-پروتسەستىك كودەكستىڭ 128-131-باپتارىنا سايكەس ۇستالىپ, سوت سانكتسياسىمەن قاماۋعا الىندى”, – دەلىنگەن وبلىستىق پروكۋراتۋرانىڭ ءباسپاسوز قىزمەتى جاريالانعان حابارلامادا.