Almatyda jol opyrylyp, 20-dan astam kólik jer astyna túsip ketti

Foto: vıdeo skrın

Búgingi jaýyn-shashyn ońtústik astana turǵyndaryn sarsańǵa saldy. Nóser jaýynnan keıin kósheler men aýlalardy sý basyp, olardy úlken shalshyqqa aınaldyrdy, dep  habarlaıdy qandastar.kz

Qala ortalyǵyndaǵy aryqtar sý tasqynyn ótkize almady. Sonyń saldarynan kóshelerde sý jınalyp, jol jabyndysy opyryldy. Birqatar kóshelerde kólik keptelisi birneshe shaqyrymǵa sozyldy. Qala turǵyny túsirgen beınejazbada Amanjol kóshesiniń edáýir bóligi qırap qalǵany kórinedi.

Kýágerlerdiń aıtýynsha, 20-dan astam avtokólik jer astyna túsip ketken. Almaty qalalyq TJD baspasóz qyzmeti Aýezov aýdanynda qalpyna keltirý jumystary bastalǵanyn habarlady.

Skifnews.kz jazǵandaı, jumysqa jedel qyzmet ókilderi men arnaıy tehnıka tartylǵan.