الماتىدا جۇرگىزۋشى جانىندا كەلە جاتقان كولىككە وق جاۋدىرعان

فوتو: ۆيدەودان الىنعان كادر

جەلىدە كولىك جۇرگىزۋشىسىنىڭ جانىندا كەلە جاتقان كولىككە وق اتقانى تۇسىرىلگەن ۆيدەو تارادى, دەپ حابارلايدى Skifnews.kz اقپارات پورتالى. 

وقيعا الماتى قالاسىندا بولعان. كادرلاردان ەكى كولىكتىڭ جولدا قاتار كەلە جاتقانىن كورۋگە بولادى. ءبىر كەزدە قارا Hyundai كولىگىنىڭ جۇرگىزۋشىسى تەرەزەدەن تاپانشا شىعارىپ, كورشى كولىككە وق اتادى. قاقتىعىستىڭ سەبەپتەرى بەلگىسىز.

الماتى پوليتسيا دەپارتامەنتى ۆيدەوعا قاتىستى مالىمدەمە جاساپ, ۆيدەوداعى جۇرگىزۋشىلەردىڭ ۇستالعانىن حابارلادى.

بۇل فاكتى بويىنشا جەتىسۋ اۋداندىق ىشكى ىستەر ءبولىمى تەرگەۋ جۇرگىزىپ جاتىر. وقيعانىڭ ءمان-جايى انىقتالۋدا, – دەلىنگەن پوليتسيا حابارلاماسىندا.