Almatydaǵy Arbatta es-tússiz jatqan bir top jasóspirim jurtty shoshytty

Vıdeodan skrın

Almatydaǵy Arbatta es-tússiz jatqan bir top jasóspirim jurtty shoshytty, dep jazady qandastar.kz

Bul týraly Stan.kz aqparat agenttigi Informbıýro baǵdarlamasyna silteme jasap habarlaıdy.

Jasóspirimderdiń áreketin turǵyndar vıdeoǵa túsirip alǵan. Vıdeodan jasóspirimderdiń bas kótere almaı otyrǵanyn, keıbireýleriniń jerde sulap jatqanyn kórýge bolady.

Vıdeony kórgen jurt jetkinshekter «esirtki qoldanǵan» dep oılasa da, polıııa kámeletke tolmaǵan balalar masań kúıde bolǵanyn málimdedi. Almaty qalasynyń balalar ombýdsmeni Dıana Erlannyń aıtýynsha, eki jasóspirim alkogolden ýlaný belgilerimen qalalyq balalar aýrýhanasyna jiberilgen.

Polıııa departamentiniń málimetinshe, oqıǵa ornynda 5 jasóspirim mas kúıinde anyqtalǵan jáne olarǵa tez arada medıınalyq kómek kórsetilgen.

«Qazirgi ýaqytta tekseris júrgizilip jatyr. Jasóspirimderdiń qalaı alkogol tutynǵany, kimmen birge bolǵany jáne spırttik ishimdikti qaıdan alǵany anyqtalýda. Polıııa, kámeletke tolmaǵandardyń qaýipsizdigi men tártibi úshin birinshi kezekte ata-analar jaýapty ekenin eskertedi», – dedi Almaty qalasy polıııa departamentiniń resmı ókili Saltanat Ázirbek.

Jasóspirimderdi qaraýsyz qaldyrǵany úshin olardyń ata-analaryna zańnamaǵa sáıkes shara qoldanyldy. Al balalarǵa ishimdik satqandar áli de izdestirilýde. Olar tabylǵan jaǵdaıda ákimshilik quqyqbuzýshylyq úshin jaýapqa tartylady.