جاڭالىقتار
الماتىداعى ارباتتا قىز بەن جىگىت توبەلەستى
فوتو: سكرين
الماتىدا قىز بەن جىگىت اراسىنداعى توبەلەستىڭ ۆيدەوسى الەۋمەتتىك جەلىگە تاراپ كەتتى. بولعان جاعدايعا قاتىستى پوليتسيا تۇىسىنىكتەمە بەردى, دەپ حابارلايدى qandastar.kz
ۆيدەودان قىز بەن جىگىتتىڭ ءبىر-بىرىنە جۇدىرىق الا جۇگىرگەنىن بايقاۋعا بولادى. جاستار اراسىنداعى جانجالدىڭ 12 ساۋىرگە قاراعان تۇنى اربات كوشەسىندە بولعانى انىقتالدى.
قىز بەن جىگىتتىڭ اراسىنداعى داۋعا نە سەبەپ بولعانى ازىرگە بەلگىسىز.
بويجەتكەن جىگىتتى قۋىپ جەتىپ ۇرماق بولعاندا, ەر ادام ونىڭ بەتىنەن جانە باسىنان بىرنەشە رەت جۇدىرىقپەن ۇرادى. كەيىن ونداعى جىگىتتەردىڭ ءبىرى ەر ادامدى توقتاتپاق بولىپ الىپ كەتتى. سوققى سالدارىنان قىز تالتىرەكتەي تۇرىپ, باسىن ۇستاپ كەتىپ قالدى.
الماتى قالالىق پوليتسيا دەپارتامەنتى بۇل فاكتى بويىنشا المالى اۋداندىق پوليتسيا باسقارماسى تەكسەرۋ جۇرگىزىپ جاتقانىن مالىمدەدى.
“وقيعانىڭ وبەكتيۆتى ءمان-جايى انىقتالىپ جاتىر”, – دەدى پوليتسيا.
ۆەدومستۆوداعىلار كىنالى ادام مىندەتتى تۇردە ۇستالىپ, جاۋاپكەرشىلىككە تارتىلادى دەپ سەندىردى.
