الماتىداعى اۋەجاي ماڭىنان ءورت شىقتى

فوتو:تجم

الەۋمەتتىك جەلىدە اۋەجاي اۋماعىنا جاقىن ماڭدا قارا ءتۇتىن شىققانى تۋرالى اقپارات تارادى, دەپ حابارلايدى qandastar.kz

الماتى اۋەجايى ءباسپاسوز قىزمەتى اۋە ايلاعىنىڭ اۋماعىندا ەشقانداي توتەنشە جاعداي بولماعانىن مالىمدەدى. ال الماتى وبلىسى تجد مالىمەتىنشە, 10:44-تە دەپارتامەنتتىڭ كەزەكشى بولىمىنە تالعار اۋدانى گۇلدالا اۋىلدىق وكرۋگىنىڭ اۋماعىندا قۇرعاق ءشوپ ورتەنگەنى تۋرالى قوڭىراۋ كەلىپ تۇسكەن.

-ء«ورتتى جويۋ ءۇشىن وقيعا ورنىنا وتەگەن باتىر اۋىلىنىڭ №8 ءورت ءسوندىرۋ ءبولىمىنىڭ 3 قىزمەتكەرى مەن ارنايى تەحنيكا, سونداي-اق الماتى قالاسىنىڭ №11 ءورت ءسوندىرۋ ءبولىمىنىڭ 4 قىزمەتكەرى مەن ءبىر تەحنيكا جىبەرىلدى. ءورت سوندىرۋشىلەر 500 شارشى مەتر اۋماقتا قۇرعاق ءشوپ ورتەنگەنىن انىقتادى. 12:18-دە وت تولىق ءوشىرىلدى. زارداپ شەككەندەر جوق», — دەپ حابارلادى وبلىستىق تجد ءباسپاسوز قىزمەتى.