Almatydaǵy áýejaı mańynan órt shyqty

Foto:TJM

Áleýmettik jelide áýejaı aýmaǵyna jaqyn mańda qara tútin shyqqany týraly aqparat tarady, dep habarlaıdy qandastar.kz

Almaty áýejaıy baspasóz qyzmeti áýe aılaǵynyń aýmaǵynda eshqandaı tótenshe jaǵdaı bolmaǵanyn málimdedi. Al Almaty oblysy TJD málimetinshe, 10:44-te departamenttiń kezekshi bólimine Talǵar aýdany Gúldala aýyldyq okrýginiń aýmaǵynda qurǵaq shóp órtengeni týraly qońyraý kelip túsken.

-«О́rtti joıý úshin oqıǵa ornyna О́tegen Batyr aýylynyń №8 órt sóndirý bóliminiń 3 qyzmetkeri men arnaıy tehnıka, sondaı-aq Almaty qalasynyń №11 órt sóndirý bóliminiń 4 qyzmetkeri men bir tehnıka jiberildi. О́rt sóndirýshiler 500 sharshy metr aýmaqta qurǵaq shóp órtengenin anyqtady. 12:18-de ot tolyq óshirildi. Zardap shekkender joq», — dep habarlady oblystyq TJD baspasóz qyzmeti.