الماتىداعى اۆتوبۋس اپاتى: پروديۋسەر انەل سارتاەۆا 2,5 جىلعا سوتتالدى

فوتو: turkistan.kz

الماتىدا ادام ولىمىنە اكەپ سوققان اۆتوبۋس اپاتىنا كىنالى «5:32» سەريالىنىڭ پروديۋسەرى — جۇرگىزۋشىگە قاتىستى سوت ۇكىمى شىقتى, دەپ جازدى qandastar.kz

الماتى قالاسى المالى اۋداندىق سوتىندا قر قىلمىستىق كودەكسىنىڭ 345-بابىنىڭ 3-بولىگى (ابايسىزدا ادام ولىمىنە اكەپ سوقتىرعان جول قوزعالىسى ەرەجەلەرىن بۇزۋى) بويىنشا 28 جاستاعى ايەلگە قاتىستى قىلمىستىق ءىس قارالدى.

Türkistan.kz جازعانداي,سوت انەل سارتاەۆاۆانى 2 جىل 6 ايعا باس بوستاندىعىنان ايىردى. ول جازاسىن ەڭ تومەنگى قاۋىپسىزدىك مەكەمەسىندە وتەيتىن بولادى. سونداي-اق 5 جىل مەرزىمگە كولىك قۇرالىن باسقارۋ قۇقىعىنان ايىرىلدى.

سوت ۇكىمى زاڭدى كۇشىنە ەنگەن جوق.

ەسكە سالا كەتەيىك, 26 ماۋسىمدا الماتىداعى ماقاتاەۆ كوشەسى مەن سەيفۋللين داڭعىلىنىڭ قيىلىسىندا بولعان جول-كولىك اپاتىنان كەيىن 16 ادام زارداپ شەگىپ, 1 ادام قازا تاقان بولاتىن. كەيىن 25 ادام زارداپ شەككەنى ايتىلدى. اپات بولعان جەردە اۆتوبۋسقا سوقتىعىسقان Kia Sportage اۆتوكولىگىن 28 جاستاعى انەل سارتاەۆا باسقارعان.

ول Salem social media كومپانياسىندا «5:32», «ەسكورت», «1286» سياقتى تانىمال قازاقستاندىق سەريالدارعا پروديۋسەرلىك ەتكەن. جاۋاپكەردىڭ ادۆوكاتى قانات السەيىتوۆ جەلىدەگى پاراقشاسىندا قاماۋعا الماۋ تۋرالى جەكە شاعىم تۇسىرگەنىن, سوت ونى قاناعاتتاندىرعانىن مالىمدەدى. ءسويتىپ انەل سارتاەۆا ۇيقاماققا جىبەرىلگەن.