Almatydaǵy avtobýs apaty: Prodıýser Anel Sartaeva 2,5 jylǵa sottaldy

Foto: turkistan.kz

Almatyda adam ólimine ákep soqqan avtobýs apatyna kináli «5:32» serıalynyń prodıýseri — júrgizýshige qatysty sot úkimi shyqty, dep jazdy qandastar.kz

Almaty qalasy Almaly aýdandyq sotynda QR Qylmystyq kodeksiniń 345-babynyń 3-bóligi (abaısyzda adam ólimine ákep soqtyrǵan jol qozǵalysy erejelerin buzýy) boıynsha 28 jastaǵy áıelge qatysty qylmystyq is qaraldy.

Türkistan.kz jazǵandaı,sot Anel Sartaevavany 2 jyl 6 aıǵa bas bostandyǵynan aıyrdy. Ol jazasyn eń tómengi qaýipsizdik mekemesinde óteıtin bolady. Sondaı-aq 5 jyl merzimge kólik quralyn basqarý quqyǵynan aıyryldy.

Sot úkimi zańdy kúshine engen joq.

Eske sala keteıik, 26 maýsymda Almatydaǵy Maqataev kóshesi men Seıfýllın dańǵylynyń qıylysynda bolǵan jol-kólik apatynan keıin 16 adam zardap shegip, 1 adam qaza taqan bolatyn. Keıin 25 adam zardap shekkeni aıtyldy. Apat bolǵan jerde avtobýsqa soqtyǵysqan Kia Sportage avtokóligin 28 jastaǵy Anel Sartaeva basqarǵan.

Ol Salem social media kompanııasynda «5:32», «Eskort», «1286» sııaqty tanymal qazaqstandyq serıaldarǵa prodıýserlik etken. Jaýapkerdiń advokaty Qanat Álseıitov jelidegi paraqshasynda qamaýǵa almaý týraly jeke shaǵym túsirgenin, sot ony qanaǵattandyrǵanyn málimdedi. Sóıtip Anel Sartaeva úıqamaqqa jiberilgen.