الماتىداعى اۆتوبۋستا ەر ادام ايەلدى ۇرىپ جىبەردى

فوتو: ماكسيم موروزوۆ

الماتىداعى اۆتوبۋستىڭ بىرىندە ەر ادام مەن ايەل جانجالداسىپ قالعان, دەپ جازادى qandastar.kz

وقيعانىڭ ۆيدەوسى الەۋمەتتىك جەلىدە كەڭىنەن تارالىپ كەتتى. وقيعا 126 اۆتوبۋستا, تولە بي – تۇرعۇت ءوزال كوشەلەرىنىڭ قيىلىسىندا بولعان.

جولاۋشىلاردىڭ ءبىرى تەلەفون ارقىلى قاتتى سويلەسكەنىنەن جانجال تۋعان. اۋەلى ەر ادام وعان ەسكەرتۋ جاسايدى. ءسوزىن ەلەمەگەنىنە نارازى بولىپ, ورنىنان تۇرادى. ايەلدىڭ سىرتقى كيىمىنەن ۇستاپ, ونى اۆتوبۋستان شىعارۋعا تىرىسادى. ايەل بولسا وعان قارسىلىق تانىتىپ, ەر ادامدى يتەرىپ جىبەرەدى. سول كەزدە ەر ادام ونى ۇرىپ جىبەرەدى, – دەدى وقيعا كۋاگەرى.

وقيعا كەزىندە جولاۋشىلاردىڭ نارازىلىعىن تۋدىرىپ, ولاردىڭ ءبىر بولىگى پوليتسياعا شاعىمدانادى.

– اتالعان فاكتى بويىنشا المالى اۋدانىنىڭ پوليتسيا ءبولىمى تەكسەرۋ جۇرگىزۋدە. كىنالىگە قاتىستى قازاقستان رەسپۋبليكاسى زاڭناماسىنىڭ تالاپتارىنا سايكەس شارالار قابىلداناتىنى ءسوزسىز. جاعدايلار انىقتالۋدا, – دەلىنگەن الماتى قالالىق پد ءباسپاسوز قىزمەتىنىڭ تاراتقان اقپاراتىندا.