الماتىداعى قىزپۋ ستۋدەنتتەرى ايەلدەردىڭ قۇقىقتارىن قورعاۋ رەفورمالارىن قولدادى

فوتو: جاڭا ادامدار

الماتىداعى قازاق ۇلتتىق قىزدار پەداگوگيكالىق ۋنيۆەرسيتەتىندە ءبىلىم الىپ جۇرگەن «جاڭا ادامدار» قوزعالىسىنىڭ بەلسەندىلەرى ايەلدەردىڭ قۇقىعىن قورعاۋعا باعىتتالعان زاڭنامالىق رەفورمالاردى قولداپ, ەرەكشە اكتسيا ۇيىمداستىردى, دەپ جازدى qandastar.kz

ستۋدەنتتەر جاتاقحانا بالكوندارىندا «بۇگىن مەن قازاقستاندا ستالكينگتەن قورعالعانمىن», «بۇگىن مەن قازاقستاندا “الىپ قاشۋدان” قورعالعانمىن», «بۇگىن مەن قازاقستاندا وتباسىلىق-تۇرمىستىق زورلىق-زومبىلىقتان قورعالعانمىن» دەگەن جازۋى بار قولونەر باننەرلەرىن ءىلىپ قويدى. ءار جازبادا قر قىلمىستىق كودەكسىنىڭ ناقتى باپتارىنا سىلتەمە جاسالعان.

2024 جىلى نەكەگە ماجبۇرلەۋ ءۇشىن قىلمىستىق جاۋاپكەرشىلىك ەنگىزىلىپ (قر قك 125-بابى), تۇرمىستىق جانە جىنىستىق زورلىق-زومبىلىققا قاتىستى جاۋاپتىلىق كۇشەيتىلدى. سونداي-اق ءىىم قۇرامىندا ايەلدەردى قورعاۋعا ارنالعان ارنايى باسقارما قۇرىلدى. جۋىردا قىلمىستىق كودەكسكە ستالكينگكە قاتىستى جاڭا 115-1-باپ ەنگىزىلدى.

«جاڭا ادامدار» بەلسەندىسى, قىزپۋ ستۋدەنتى اياۋلىم شاپەنوۆا:
– بۇگىن مەن قازاقستاندا ءوزىمدى قاۋىپسىز سەزىنە الامىن. ءبىز ىلگەن باننەرلەر قوعامدا ايەلدىڭ ءرولىن زاڭمەن قورعالعانىن كورسەتەدى. بىراق قۇقىقتارمەن بىرگە جاۋاپكەرشىلىكتى دە ۇمىتپاۋىمىز كەرەك. ءار ادامنىڭ جەكە جاۋاپكەرشىلىگىنەن قوعامدا ءتارتىپ ورنىعادى, – دەدى.

سوڭعى جىلدارى قابىلدانعان زاڭنامالار قازاقستاندا ايەلدەردىڭ قۇقىقتىق قورعالۋ دەڭگەيىن ارتتىرىپ, زورلىق-زومبىلىق پەن ديسكريميناتسياعا قارسى بەرىك قۇقىقتىق نەگىز قالىپتاستىردى.