Almatydaǵy QyzPÝ stýdentteri áıelderdiń quqyqtaryn qorǵaý reformalaryn qoldady

Foto: Jańa adamdar

Almatydaǵy Qazaq ulttyq qyzdar pedagogıkalyq ýnıversıtetinde bilim alyp júrgen «Jańa adamdar» qozǵalysynyń belsendileri áıelderdiń quqyǵyn qorǵaýǵa baǵyttalǵan zańnamalyq reformalardy qoldap, erekshe akııa uıymdastyrdy, dep jazdy qandastar.kz

Stýdentter jataqhana balkondarynda «Búgin men Qazaqstanda stalkıngten qorǵalǵanmyn», «Búgin men Qazaqstanda “Alyp qashýdan” qorǵalǵanmyn», «Búgin men Qazaqstanda otbasylyq-turmystyq zorlyq-zombylyqtan qorǵalǵanmyn» degen jazýy bar qolóner bannerlerin ilip qoıdy. Ár jazbada QR Qylmystyq kodeksiniń naqty baptaryna silteme jasalǵan.

2024 jyly nekege májbúrleý úshin qylmystyq jaýapkershilik engizilip (QR QK 125-baby), turmystyq jáne jynystyq zorlyq-zombylyqqa qatysty jaýaptylyq kúsheıtildi. Sondaı-aq IIM quramynda áıelderdi qorǵaýǵa arnalǵan arnaıy basqarma quryldy. Jýyrda Qylmystyq kodekske stalkıngke qatysty jańa 115-1-bap engizildi.

«Jańa adamdar» belsendisi, QyzPÝ stýdenti Aıaýlym Shapenova:
– Búgin men Qazaqstanda ózimdi qaýipsiz sezine alamyn. Biz ilgen bannerler qoǵamda áıeldiń rólin zańmen qorǵalǵanyn kórsetedi. Biraq quqyqtarmen birge jaýapkershilikti de umytpaýymyz kerek. Ár adamnyń jeke jaýapkershiliginen qoǵamda tártip ornyǵady, – dedi.

Sońǵy jyldary qabyldanǵan zańnamalar Qazaqstanda áıelderdiń quqyqtyq qorǵalý deńgeıin arttyryp, zorlyq-zombylyq pen dıskrımınaııaǵa qarsy berik quqyqtyq negiz qalyptastyrdy.