جاڭالىقتار
الماتىداعى مانحەتتەن تۇرعىن ءۇي كەشەنىندە بويجەتكەن 14-قاباتتان سەكىرىپ كەتتى
فوتو: اشىق دەرەككوز
الماتىداعى مانحەتتەن تۇرعىن ءۇي كەشەنىندە قىز 14-قاباتتىڭ تەرەزەسىنەن قۇلاپ مەرت بولدى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
جەلىدە بويجەتكەننىڭ تەرەزەدەن سەكىرگەن ۆيدەوسى پايدا بولدى. بۇل وقيعاعا قاتىستى الماتى پوليتسيا دەپارتامەنتىنىڭ ءباسپاسوز قىزمەتى تۇسىنىكتەمە بەردى.
قۇقىق قورعاۋ ورگاندارى بۇل ءىستىڭ جاي-جاپسارىن جاريالامادى. بەلگىلىسى – مارقۇمنىڭ جاسى 19-دا بولعان.
«اتالعان فاكتى بويىنشا المالى اۋداندىق ۋنيتارلىق كاسىپورنىنىڭ پوليتسيا ءبولىمى قىلمىستىق ءىس قوزعادى. وقيعانىڭ سەبەبى مەن ءمان-جايى انىقتالىپ جاتىر», — دەدى الماتى پوليتسيا دەپارتامەنتىنىڭ ءباسپاسوز قىزمەتى.
بۇعان دەيىن الماتىدا 18 جاستاعى جىگىت تەرەزەدەن سەكىرىپ كەتكەنى حابارلاندى.
