الماتىداعى سايران كولىنەن تاعى ءبىر ادامنىڭ ءمايىتى تابىلدى

48 جاستاعى تۇرعىن مارقۇم ماس كۇيىندە تىيىم سالىنعان جەردە سۋعا تۇسكەن, دەپ حابارلايدى Qandastar.kz اقپارات پورتالى.

الماتى قالالىق توتەنشە جاعدايلار دەپارتامەنتىنىڭ مالىمەتىنشە, 25 ماۋسىم كۇنى ساعات 19:26-دا سۇڭگۋىرلەر 1977 جىلى تۋعان ەر ادامنىڭ دەنەسىن سۋدان الىپ شىقتى. كەشە رەسپۋبليكالىق جەدەل-قۇتقارۋ جاساعىنىڭ سۇڭگۋىرلەرى ءجاسوسپىرىمنىڭ دەنەسىن سۋدان الىپ شىققان بولاتىن.

ال, قاسىنداعى تاعى ءبىر ءجاسوسپىرىم ءوز بەتىمەن جاعاعا ءجۇزىپ شىققان.

كولگە كۇن سايىن شامامەن 4000-عا جۋىق ادام كەلەدى. الماتى قالاسىنىڭ تجد سايران كولىندە شومىلۋعا بارلىق قۇرىلىس, سانيتارلىق ءىس-شارالار اياقتالعانعا دەيىن جانە نىسان رەسمي پايدالانۋعا بەرىلگەنگە دەيىن قاتاڭ تىيىم سالىنعانىن حابارلايدى.

– تىيىم سالۋ ءتارتىبى بۇزىلعان جاعدايدا قولدانىستاعى زاڭناماعا سايكەس ايىپپۇلداردى قوسا العاندا, ازاماتتارعا اكىمشىلىك ىقپال ەتۋ شارالارى قولدانىلاتىن بولادى. قالا تۇرعىندارى مەن قوناقتارىن سۋداعى قاۋىپسىزدىك ەرەجەلەرىن ساقتاۋعا, سونداي-اق رۇقسات ەتىلمەگەن جەرلەردە شومىلۋدان باس تارتۋعا شاقىرامىز, – دەپ حابارلادى الماتى قالاسى تجد ءباسپاسوز قىزمەتى