Almatydaǵy Saıran kólinen taǵy bir adamnyń máıiti tabyldy

48 jastaǵy turǵyn marqum mas kúıinde tyıym salynǵan jerde sýǵa túsken, dep habarlaıdy Qandastar.kz aqparat portaly.

Almaty qalalyq Tótenshe jaǵdaılar departamentiniń málimetinshe, 25 maýsym kúni saǵat 19:26-da súńgýirler 1977 jyly týǵan er adamnyń denesin sýdan alyp shyqty. Keshe respýblıkalyq jedel-qutqarý jasaǵynyń súńgýirleri jasóspirimniń denesin sýdan alyp shyqqan bolatyn.

Al, qasyndaǵy taǵy bir jasóspirim óz betimen jaǵaǵa júzip shyqqan.

Kólge kún saıyn shamamen 4000-ǵa jýyq adam keledi. Almaty qalasynyń TJD Saıran kólinde shomylýǵa barlyq qurylys, sanıtarlyq is-sharalar aıaqtalǵanǵa deıin jáne nysan resmı paıdalanýǵa berilgenge deıin qatań tyıym salynǵanyn habarlaıdy.

– Tyıym salý tártibi buzylǵan jaǵdaıda qoldanystaǵy zańnamaǵa sáıkes aıyppuldardy qosa alǵanda, azamattarǵa ákimshilik yqpal etý sharalary qoldanylatyn bolady. Qala turǵyndary men qonaqtaryn sýdaǵy qaýipsizdik erejelerin saqtaýǵa, sondaı-aq ruqsat etilmegen jerlerde shomylýdan bas tartýǵa shaqyramyz, – dep habarlady Almaty qalasy TJD baspasóz qyzmeti