الماتىداعى ستاديون دجەننيفەر لوپەستىڭ كونتسەرتىن وتكىزۋگە دايىن بولماي شىقتى

امەريكالىق ءانشى دجەننيفەر لوپەستىڭ الماتىداعى كونتسەرتىنە ءۇش اپتا عانا قالدى, دەپ جازدى qandastar.kz.

جوسپار بويىنشا كونتسەرت مەگاپوليستەگى ورتالىق ستاديوندا وتەدى. الايدا نىساننىڭ قازىرگى جاعدايىن قالا اكىمى دارحان ساتىبالدى سىنعا الدى.

اكىم ستاديوندى ارالاپ كورىپ, شۇعىل تۇردە ءتارتىپ ورناتۋدى تاپسىردى. نىساننىڭ بارلىعى جاڭعىرتۋدى قاجەت ەتەدى.

سانيتارلىق ايماقتار مەن جاياۋ جۇرگىنشىلەرگە ارنالعان جولداردى جاڭارتۋ كەرەك. ستاديون پايدالانۋعا بەرىلگەننەن بەرى ونىڭ سىيىمدىلىعى 35 مىڭنان 23 مىڭ كورەرمەنگە دەيىن قىسقارعان.

– بارلىق كەمشىلىكتى جويۋ كەرەك, ال ستاديون حالىقارالىق ستاندارتتارعا ساي كەلۋگە ءتيىس, – دەدى قالا باسشىسى.

كتك تەلەارناسىنىڭ حابارلاۋىنشا, جوندەۋ جۇمىستارى الداعى كۇندەرى باستالادى.