جاڭالىقتار
الماتىداعى تۇرعىن ۇيلەر گازسىز قالدى
فوتو: اشىق دەرەككوز
2025 جىلدىڭ 16 قاڭتارىندا بەلگىسىز بىرەۋلەر الماتى قالاسى تۇركسىب اۋدانىنداعى زاحاروۆا كوشەسىنىڭ بويىنا كارىز قۇبىرلارىن تارتپاق بولىپ, گاز قۇبىرىن زاقىمداعان. قازىر قالانىڭ ءبىر بولىگىنىڭ تۇرعىندارى گازسىز قالدى, دەپ حابارلايدى qandastar.kz
«QazaqGaz Aimaq» اق حابارلاماسىنا سايكەس:
«2025 جىلدىڭ 16 قاڭتارىندا بەلگىسىز بىرەۋلەر بوگدە كارىز قۇبىرلارىن تارتۋ ماقساتىندا جەر استى قازۋ جۇمىستارىن جۇرگىزگەن كەزدە جەر استى ورتا قىسىمدى گاز قۇبىرىنىڭ ۋچاسكەسىنە زاقىم كەلگەن. وقيعا جەكە تۇلعالاردىڭ كاسىپقوي ەمەس ارەكەتتەرىنىڭ سالدارىنان اسفالت جابىنىنىڭ تەسىلۋى ورىن العان».
جۇمىس بارىسىندا گاز بەرۋ ۋاقىتشا توقتاتىلادى:
- كوپقاباتتى تۇرعىن ۇيلەردەگى 8 048 پاتەر;
- 2543 جەكە سەكتورداعى ۇيلەر;
- 67 كوممۋنالدىق جانە ونەركاسىپتىك كاسىپورىندار.
قاۋىپسىزدىك ماقساتىندا جەرگىلىكتى تۇرعىنداردان جۇمىس كەزىندە گاز شۇمەكتەرىن جاۋىپ, ىسكە قوسۋ جۇمىستارى اياقتالعانشا اشپاۋدى سۇرادى.
ءدال وسىنداي جاعداي 2024 جىلدىڭ جەلتوقسان ايىندا سارىاعاش قالاسىندا دا بولعان. اپاتقا BMW كولىگىنىڭ جوعارى قىسىمدى گاز قۇبىرىنا سوعىلۋى سەبەپ بولعان.
