Jańalyqtar
Almatydaǵy turǵyn úıler gazsyz qaldy
Foto: ashyq derekkóz
2025 jyldyń 16 qańtarynda belgisiz bireýler Almaty qalasy Túrksib aýdanyndaǵy Zaharova kóshesiniń boıyna káriz qubyrlaryn tartpaq bolyp, gaz qubyryn zaqymdaǵan. Qazir qalanyń bir bóliginiń turǵyndary gazsyz qaldy, dep habarlaıdy qandastar.kz
«QazaqGaz Aimaq» AQ habarlamasyna sáıkes:
«2025 jyldyń 16 qańtarynda belgisiz bireýler bógde káriz qubyrlaryn tartý maqsatynda jer asty qazý jumystaryn júrgizgen kezde jer asty orta qysymdy gaz qubyrynyń ýchaskesine zaqym kelgen. Oqıǵa jeke tulǵalardyń kásipqoı emes áreketteriniń saldarynan asfalt jabynynyń tesilýi oryn alǵan».
Jumys barysynda gaz berý ýaqytsha toqtatylady:
- kópqabatty turǵyn úılerdegi 8 048 páter;
- 2543 jeke sektordaǵy úıler;
- 67 kommýnaldyq jáne ónerkásiptik kásiporyndar.
Qaýipsizdik maqsatynda jergilikti turǵyndardan jumys kezinde gaz shúmekterin jaýyp, iske qosý jumystary aıaqtalǵansha ashpaýdy surady.
Dál osyndaı jaǵdaı 2024 jyldyń jeltoqsan aıynda Saryaǵash qalasynda da bolǵan. Apatqa BMW kóliginiń joǵary qysymdy gaz qubyryna soǵylýy sebep bolǵan.
