جاڭالىقتار
الماتىلىق اربات كارنابي كوشەسىنىڭ ستيلىندە بەزەندىرىلدى
فوتو: اشىق دەرەككوز
ارباتتا جاڭا جىلعا ارنالعان اقجارما تىلەكتەر پايدا بولدى, دەپ جازادى qandastar.kz
الماتىنىڭ ارباتى جاڭا جىلدىق مەرەكەگە وراي لوندوننىڭ ايگىلى كارنابي كوشەسىنەن شابىت العان جارقىن ارت-نىسانعا اينالدى. تۇرعىنداردىڭ سۇيىكتى جاياۋ جۇرگىنشىلەر كوشەسى مىڭداعان گيرلياند شامى مەن جارىق قوندىرعىلارمەن كومكەرىلىپ, جايلى ءارى سيقىرلى اتموسفەرانى قالىپتاستىردى.
«جاڭا جىلىڭىزبەن», «باقىتتى بول», «جۇلدىزىڭ جانسىن» دەگەن جارقىراعان جازۋلار تىلەكتەر ەرەكشە نازار اۋدارتادى. بۇل جۇرەكجاردى لەبىزدەر مۇندا كەلگەن ءاربىر ادامعا ارنالعانداي, مەيىرىم مەن كوتەرىڭكى كوڭىل-كۇي سىيلايدى. قالانىڭ تۇرعىندارى مەن قوناقتارى ەرەكشە بەزەندىرۋدى جوعارى باعالادى.
«بالالارمەن بىرگە ءبىز دە وتە قۋانىشتىمىز! قانشاما ادەمى سۋرەت ءتۇسىرىپ ۇلگەردىك. ءوزىم دە بالا سياقتى وسى اشەكەيلەرگە قۋانامىن. شىنىمدى ايتسام, قالا ارقايسىمىزدى قۇشاق جايا قارسى الۋعا دايىندالىپ جاتقانداي كورىنەدى. مۇندا كەرەمەت ادەمى ءارى ءبارى جارقىراپ تۇر», – دەدى الماتىلىق الۋا جومارت.
جىبەك جولى كوشەسىندە دە جارىقتاندىرىلعان اققالا مۇسىندەرى, جارقىراعان جۇلدىزدار جانە ساۋلەلى بۇعىلار ورناتىلعان. ولار بالالار مەن ەرەسەكتەردىڭ جۇزدەرىنە قۋانىش پەن كۇلكى سىيلايدى. مەرەكەلىك بەزەندىرۋدى ساندىك ايۋلار مەن باسقا دا ەلەمەنتتەر تولىقتىرىپ, ارباتتاعى سەرۋەندى ەرەكشە جايلى ەتەدى. ەڭ اسەرلى قوندىرعىنىڭ ءبىرى – «2025» ساندارى بار الىپ جارقىراعان شار.
ارباتتىڭ ورتالىق شىرشاسى ءتۇرلى-ءتۇستى شارلارمەن, جارقىراعان شامدارمەن جانە جۇلدىزدارمەن بەزەندىرىلگەن. ونىڭ ەتەگىندە ورنالاسقان الىپ سىيلىق قوراپتارى كەڭىستىككە ەرتەگىدەي ەرەكشە اتموسفەرا بەرەدى.
