جاڭالىقتار
الماتىلىق بلوگەر پەدوفيليا بويىنشا كۇدىككە ءىلىندى
بلوگەر قۇلپىناي قالمەنوۆا ءوز كۇيەۋىنىڭ كامەلەتكە تولماعان 10-11 جاستاعى بالالارمەن حات الماسقانى تۋرالى ايتتى. بۇعان قاتىستى بالا قۇقىقتارى جونىندەگى جەدەل ۋاكىل دينارا زاكيەۆا پىكىر ءبىلدىردى
«اتالعان جاعداي بويىنشا مەن جانە زاڭگەر كەشە بلوگەرمەن بايلانىسقا شىقتىق. قالالىق پروكۋراتۋرامەن بىرگە پروتسەستىك شەشىم قابىلداۋ ماسەلەسى بويىنشا جۇمىس ىستەپ جاتىرمىز. ۋاكىلەتتى ورگاندارمەن بىرلەسە وتىرىپ, بالالاردىڭ قۇقىقتارىن قورعاۋ ءۇشىن بارلىق قاجەتتى شارالاردى قابىلدايمىز», – دەدى زاكيەۆا.
Zakon.kz سونىمەن بىرگە اتا-انالاردى قىراعى بولۋعا شاقىردى: بالانىڭ كىممەن ارالاساتىنىن ءاردايىم باقىلاپ, وعان قاۋىپ-قاتەر, سونىڭ ىشىندە الەۋمەتتىك جەلىدەگى قاۋىپتەر جايلى ايتىپ وتىرۋ كەرەك ەكەنىن ەسكەرتتى.
«سونداي-اق 2023 جىلدىڭ قىركۇيەگىندە مەكتەپتەردە ەنگىزىلگەن قاۋىپسىزدىك ساباقتارى اياسىندا قارالاتىن تاقىرىپتاردى تالقىلاۋ ماڭىزدى. بالالاردىڭ قاۋىپسىزدىگىنە قاتىستى كەز كەلگەن كۇماندى جاعدايلاردا 102 نەمەسە 111 نومىرلەرىنە حابارلاۋ قاجەت», – دەدى ول.
ومبۋدسمەن بىلتىر قابىلدانعان ايەلدەر قۇقىقتارى مەن بالالاردىڭ قاۋىپسىزدىگىن قامتاماسىز ەتۋ جونىندەگى زاڭ اياسىندا 16 جاسقا تولماعان ادامدارعا سەكسۋالدىق سيپاتتا ءتيىسۋ ءۇشىن جاڭا قىلمىستىق باپ ەنگىزىلگەنىن ەسكە سالدى.
«اتالعان باپ بويىنشا ماۋسىم ايىنان بەرى 33 قىلمىستىق ءىس تىركەلدى, بۇل وسىنداي ارەكەتتەر ءۇشىن جازانىڭ بۇلتارتپاستىعىن قامتاماسىز ەتۋگە جانە اۋىر قىلمىستاردىڭ الدىن الۋعا مۇمكىندىك بەرەدى».دينارا زاكيەۆا
