Almatylyq bloger pedofılııa boıynsha kúdikke ilindi

Bloger Qulpynaı Qalmenova óz kúıeýiniń kámeletke tolmaǵan 10-11 jastaǵy balalarmen hat almasqany týraly aıtty. Buǵan qatysty Bala quqyqtary jónindegi jedel ýákil Dınara Zákıeva pikir bildirdi

«Atalǵan jaǵdaı boıynsha men jáne zańger keshe blogermen baılanysqa shyqtyq. Qalalyq prokýratýramen birge proestik sheshim qabyldaý máselesi boıynsha jumys istep jatyrmyz. Ýákiletti organdarmen birlese otyryp, balalardyń quqyqtaryn qorǵaý úshin barlyq qajetti sharalardy qabyldaımyz», – dedi Zákıeva.

Zakon.kz sonymen birge ata-analardy qyraǵy bolýǵa shaqyrdy: balanyń kimmen aralasatynyn árdaıym baqylap, oǵan qaýip-qater, sonyń ishinde áleýmettik jelidegi qaýipter jaıly aıtyp otyrý kerek ekenin eskertti.

«Sondaı-aq 2023 jyldyń qyrkúıeginde mektepterde engizilgen qaýipsizdik sabaqtary aıasynda qaralatyn taqyryptardy talqylaý mańyzdy. Balalardyń qaýipsizdigine qatysty kez kelgen kúmándi jaǵdaılarda 102 nemese 111 nómirlerine habarlaý qajet», – dedi ol.

Ombýdsmen byltyr qabyldanǵan áıelder quqyqtary men balalardyń qaýipsizdigin qamtamasyz etý jónindegi zań aıasynda 16 jasqa tolmaǵan adamdarǵa seksýaldyq sıpatta tıisý úshin jańa qylmystyq bap engizilgenin eske saldy.

«Atalǵan bap boıynsha maýsym aıynan beri 33 qylmystyq is tirkeldi, bul osyndaı áreketter úshin jazanyń bultartpastyǵyn qamtamasyz etýge jáne aýyr qylmystardyń aldyn alýǵa múmkindik beredi».Dınara Zákıeva