جاڭالىقتار
الماتىلىق ChatGPT كومەگىمەن سوتتا جەڭدى
فوتو:egemen.kz
23 جاستاعى الماتى تۇرعىنى يسمايلوۆ زاڭسىز سالىنعان ايىپپۇلدى جويىپ, ازاماتتىق سوتقا جۇگىنۋ ارقىلى وتەماقى تالاپ ەتۋدە, دەپ حابارلايدى qandastar.kz
يسمايلوۆ جەلتوقسان ايىندا جەڭىلدىكپەن 5800 تەڭگە ايىپپۇل تولەگەن. كەيىن qamqorgov سايتىنان بەينەباقىلاۋ جازبالارىنان وعان زاڭسىز ايىپپۇل سالىنعانىن بايقاپ, الماتى پوليتسيا دەپارتامەنتىنە شاعىم تۇسىرگەنىن جەلىدەگى پاراقشاسىنا جاريالاعان.
«جەلتوقسان ايىندا ماعان زاڭسىز ايىپپۇل سالىندى. ونى جەڭىلدىكپەن تولەدىم بىراق بەينەجازبانى العاننان كەيىن الماتى پوليتسيا دەپارتامەنتىنە شاعىم ءتۇسىردىم. الايدا ولار شاعىمىمدى قابىلدامادى», – دەپ جازدى كەنجەبەك يسمايلوۆ.
پوليتسيا دەپارتامەنتىنىڭ جاۋابىنا قاناعاتتانباعان ازامات, سوتقا ارىز بەرۋ جانە باسقا دا قۇجاتتاردى ChatGPT كومەگىمەن دايىنداپ, ارىز بەردى. سوت يسمايلوۆتىڭ پايداسىنا شىعارعان. ەندىگى كەزەكتە ازاماتتىق قۇقىعىن قورعاۋدى تالاپ ەتىپ, وتەماقى الۋ بويىنشا سوتقا ارىز تاستاعان.
