Almatylyq dárigerler 43 jastaǵy adamnyń júregin aýystyryp berdi

Kardıologııa jáne ishki aýrýlar ǵylymı-zertteý ınstıtýtynda úshinshi ret júrekti transplantaııalaý operaııasy jasaldy, dep habarlaıdy Skifnews.kz aqparat portaly.

5 saǵatqa sozylǵan kúrdeli operaııany kardıohırýrgııa bólimshesiniń meńgerýshisi Rústem Tóleýtaev UMC «Júrek ortalyǵy» №2 kardıohırýrgııa bólimshesiniń meńgerýshisi Svetlana Novıkovamen, sondaı-aq anestezıologtar men kardıohırýrgtarmen birlesip júrgizdi.

Almaty qalasynyń Ortalyq qalalyq aýrýhanasyna túsken 40 jastaǵy er adam donor boldy, dárigerler paıenttiń mı ólimin rastady.

Júrek Almaty oblysy Talǵar qalasynyń turǵyny 43 jastaǵy er adamǵa transplantaııalandy. Ol ıshemııalyq kardıomıopatııaǵa, júre paıda bolǵan júrek aqaýyna, mıtraldy qaqpaqsha qyzmetiniń jetkiliksizdigine, 26% shyǵarylý frakııasy tómendegen sozylmaly júrek qyzmetiniń jetkiliksizdigine,  2022 jyly ınfarktqa shaldyqqan. Naýqasta azdaǵan dene qımyly kezinde entigý, júrektiń durys jumys istemeýi, jalpy álsizdik, bas aınalý shaǵymdary boldy. Emdeýge qaramastan, jaǵdaıy jaqsarmady, júrektiń kóp bóligi tyrtyqtan turyp, jıyrylmady.

Transplantaııadan buryn oǵan birneshe ret stent qoıylǵan, kardıoverter-defıbrıllıator ımplantaııalandy. Aýrýdyń qolaısyz boljamyn eskere otyryp, aǵymdaǵy jyldyń qańtarynda UMC mamandary LVAD ımplantaııalaý usynǵan, biraq naýqas bas tartty. Emdeýden nátıje bolmaǵandyqtan júrek transplantaııasyn kútý tizimine qoıyldy.

«Júrek transplantaııasy búgingi kúni júrek qyzmeti jetkiliksizdiginiń sońǵy satysyndaǵy naýqastardy emdeýdegi «altyn standarty» bolyp tabylady. О́kinishke oraı, ondaı paıentterdiń sany jyldan jylǵa artyp keledi. Transplantaııany qajet etetinderdiń barlyǵyna transplantaııa jasaý múmkindigi shekteýli, sebebi donorlyq organ jetispeıdi. Mysaly, 2025 jylǵy 10 mamyrdaǵy jaǵdaı boıynsha Qazaqstanda júrek transplantaııasyn kútý paraǵynda 139 eresek jáne 7 bala tur», — deıdi Kardıologııa jáne ishki aýrýlar ǴZI Basqarma tóraǵasy Marat Pashımov.