Almatylyq kommýnaldyq qyzmet býhgalteri 58 mıllıon teńge jymqyrdy dep aıyptaldy

Foto:skrın

Almaty qalasynyń turǵyndary kommýnaldyq qyzmette jumys istegen býhgalterdi iri kólemde alaıaqtyq jasady dep aıyptap otyr. Olardyń aıtýynsha, áıel qommýnaldyq qyzmet qarajatynan 58 mıllıon teńgeni jymqyryp, jeke qajettilikterine jumsaǵan. Sonyń saldarynan bir turǵyn úı kesheniniń turǵyndary jóndeý jumystarynan qaǵylyp, turmystyq qıyndyqtarǵa tap boldy: tórt qabatty úılerde jıi jaryq óship, jertóleni sý basyp, shatyrdan sý aqqan. Atalǵan máselelerdi sheshýge arnalýǵa tıis qarjy bóten bireýdiń shotynda jatyr, dep jazdy qandastar.kz

Bul týraly Stan.kz aqparat agenttigi KTK telearnasyna silteme jasap habarlaıdy.

«Medeý» turǵyn úı kesheniniń elýge jýyq turǵyny jınalysqa jınaldy. Kún tártibinde – iri kólemdegi urlyq. Turǵyndar úı ishindegi jelilerdi jóndeýge dep jınaǵan aqshanyń joǵalyp ketkenin aıtady. Kommýnaldyq qyzmet  tóraǵasy Ryskeldi Sadermekovtyń sózinshe, qarajatty býhgalter ıemdenip ketken. Áriptesine alǵash kúdik keltirgen de tóraǵanyń ózi eken. Ol bank úzindilerin suratyp alyp, býhgalterdiń turǵyndar aqshasyn óz jeke shotyna aýdaryp otyrǵanyn anyqtaǵan.

«Aqsha jetpeıdi. Qaıda ketti bul aqsha? Jalaqyny da kesh alamyz, keıde 10-y, keıde 15-i kúni. Sodan kúdik týdy. Sóıtsem, býhgalterimiz Vıktorııa Sanchılo ózi úshin jeke kásipkerlik ashyp, kommýnaldyq qyzmettiń barlyq aqshasyn sol jeke kásipkerlikke aýdaryp otyrǵan», – dedi Ryskeldi Sadermekov.

Kommýnaldyq qyzmet ókilderi bul derekti aýdıtorlyq tekseris te rastaǵanyn aıtady. Tekserýden keıin úsh jyl ishinde býhgalter eseptegish quraldarǵa tólem jasaǵan bolyp, shamamen 58 mıllıon 282 myń teńgeni óz shotyna aýdarǵany belgili bolǵan. Qujattarda «eseptegish quraldarǵa tólem» dep kórsetilgen. Biraq ár paraqta osyndaı jazba.

Turǵyn Hadısha Tasybaevanyń aıtýynsha, bul aqsha úılerdiń shatyryn jóndep, jaryq júıesin qalpyna keltirýge jumsalýǵa tıis bolǵan. Alaıda qazir jaǵdaı óte múshkil: shatyrdan sý aǵyp, jaryq sónip turady, al jertólelerdi sý basqan.

«Podezde kanalızaııa ıisi múńkip tur. Birinshi qabatta turatyn men tereze asha almaımyn. Kommýnaldyq qyzmetine qońyraý shalamyn, biraq eshqandaı áreket joq. О́zim arnaıy túsip kórsem, las qaldyqtar jertólede jatyr. Kelip, hlor shashqanda bári shyj-shyj qaınap jatty. Biz sony jutyp júrmiz», – dedi Hadısha Tasybaeva.

Kóbiniń túsinbeıtini – býhgalterdiń ózi de osy úıde turady. Iaǵnı jaǵdaıdy óz kózimen kórip otyr. Almatylyq Olga Lotorevanyń aıtýynsha, birneshe ret tanysyn ar-uıatqa shaqyryp kórgen, biraq áıel tyńdaýdan bas tartqan.

«Aqsha aldyń ba? Saǵan aqsha jymqyrdy dep aıyp taǵylýda. Aldyń ba?» dep suradyq. Ol: «Iá, aldym» dedi. Shok boldyq. «Saǵan bul mıllıondar nege kerek boldy?» dedik. Ol: «Sol aqshamen ómir súrdim» dedi. Túri – miz baqpaıdy, beti qalyń. Iaǵnı, ol bul áreketti ádeıi jasaǵan», – dedi Olga Lotoreva.

Turǵyndardyń aıtýynsha, bastapqyda býhgalter aqshany qaıtaramyn dep ýáde bergen. Alaıda úsh aı ótti – kooperatıv shotyna bir tıyn da túspegen. Qazir ol múlde baılanysqa shyqpaı qoıǵan.

Turǵyndar endi onyń aqshany qaıtarmaıtynyna kóz jetkizgen. Sondyqtan bári birigip polıııaǵa aryz jazǵan.

«Bostandyq aýdany polıııa basqarmasy kommýnaldyq qyzmetine senip tapsyrylǵan múlikti ıemdený jáne talan-tarajǵa salý deregi boıynsha qylmystyq is qozǵady. Qazir tergeý aıasynda jan-jaqty jáne obektıvti tekserý úshin keshendi tergeý áreketteri júrgizilip jatyr. Sonymen qatar tintý jumystary da qolǵa alynǵan», — dedi Almaty polıııa departamenti.

Qazir býhgalter jumystan shyǵaryldy. Turǵyndar onyń urlanǵan aqshamen birge Qonaev qalasyna ketip qalǵanynan qaýiptenip otyr. Saqtyq úshin olar prokýratýraǵa da aryz jazǵan.

Eske salaıyq, buǵan deıin Qazaqstanda kópqabatty úılerdi basqarý júıesin aýqymdy reforma kútip turǵanyn jazdyq. Májilis zań jobalaryn qarastyryp, oǵan sáıkes Páter ıeleri kooperatıvinen túpkilikti bas tartýdy josparlap otyr. Májiliste turǵyn úı-kommýnaldyq sharýashylyq júıesin reformalaýǵa baǵyttalǵan úsh zań jobasy qaraldy. Olardyń qatarynda turǵyn úı qatynastary, salyqtyq retteý jáne osy saladaǵy ákimshilik quqyq buzýshylyqtar týraly zańnamaǵa ózgerister men tolyqtyrýlar engizilgen. Talqylanyp jatqan ózgerister kóppáterli úılerdi basqarý mehanızmine, salyq salýǵa, zań buzýshylyqtar úshin jaýapkershilikke áser etedi.