Almatylyq oqýshylar NASA baıqaýynda top jardy

Foto: mınıstrlik

Almatydaǵy Nazarbaev zııatkerlik mektebiniń eki komandasy NASA jáne AQSh Ulttyq ǵarysh qoǵamy (National Space Society) uıymdastyrǵan Space Settlement Contest 2025 halyqaralyq baıqaýynda jeńimpaz atandy, dep habarlady qandastar.kz

Bul týraly Oqý-aǵartý mınıstrliginiń baspasóz qyzmeti málimdedi.

Baıqaýǵa álemniń 25 elinen 26 myńnan astam oqýshy qatysty.  «YURT» jobasyn usynǵan komandanyń quramynda almatylyq oqýshylar Anastasııa oı, Iýlııa Kım, Kamıla Ertisqyzy jáne Ilııas Dáýlet bar. Olar birinshi oryndy ıelendi. Komanda Iýpıterdiń orbıtasymen qozǵalyp, onyń Ganımed jáne Kallısto serikterine jaqyndaı alatyn avtonomdy ǵarysh stanııasynyń jobasyn tanystyrdy.

Stanııa 30 myńǵa jýyq adam turýǵa arnalǵan, jasandy gravıtaııa júıesimen jáne tolyqtaı derbes tirshilikpen qamtamasyz etý júıesimen jabdyqtalǵan.

Ekinshi oryndy taǵy bir qazaqstandyq  komandanyń  «Ikarýs» jobasy ıelendi. 45 myń turǵynǵa arnalǵan Ganımedtiń tómengi orbıtasynda ornalasqan ǵarysh stanııasyn  qurastyrýshylar — Tabyldy Asan, Temirbýlatov Arman, Inkárbek Sabyrjan, Quzbakova Tomırıs, Japarov Muhıdın,

Álisher Baǵdáýlet, Berik Ýálı, Nursultan Aısulý, Taırov Arlan, Baqyt Aslan. Jetekshileri — 12 synyp oqýshysy Ádilet Sandyqbaev.

Space Settlement Contest — mektep oqýshylaryna arnalǵan halyqaralyq jyl saıyn ótkiziletin baıqaý. Ol oqýshylardyń ınjenerlik oılaý qabiletin, kreatıvtiligin jáne ǵylymǵa umtylysyn damytýǵa baǵyttalǵan.