الماتىلىق تانىمال اسپاز باگا دەمالىس وزىنە قول سالدى

فوتو: اشىق دەرەككوز

الماتىدا تانىمال اسپاز ءارى گاسترو-كەشتەردى ۇيىمداستىرۋشى باگا دەمالىس 28 جاسىندا باقيلىق بولدى. مۇنى ونىڭ دوستارى الەۋمەتتىك جەلىدە حابارلادى, دەپ جازادى Qandastar.kz kznews.kz سىلتەمە جاساپ.

قايعىلى وقيعا قازاننىڭ 1-نەن 2-سىنە قاراعان ءتۇنى بەلگىلى بولدى. اقپاراتتى الماتى پوليتسيا دەپارتامەنتىنىڭ ءباسپاسوز قىزمەتى راستادى.

«اتالعان فاكتى بويىنشا مەدەۋ اۋداندىق پوليتسيا ءبولىمى قىلمىستىق ءىس قوزعادى. وقيعانىڭ سەبەبى مەن ءمان-جايى انىقتالىپ جاتىر», – دەپ اتاپ ءوتتى دەپارتامەنت.

بۇل جايت جەلىنى ءدۇر سىلكىندىردى. بلوگەرلەر مەن ونەرپازدار الەۋمەتتىك جەلىدە تالانتتى دا كوڭىلدى تۇلعا تۋرالى ەستەلىكتەرىمەن ءبولىسىپ, كوڭىل ايتتى.

«ادەمى كۇلكى يەسى ەدىڭ, مەن سەنىڭ ك ۇلىمسىرەگەن ءجۇزىڭدى ۇمىتپايمىن!» – دەپ جازدى اباي قابدراشيتوۆ Instagram جەلىسىندەگى پاراقشاسىندا.

ءانشى Say Mo-نىڭ مالىمدەۋىنشە, باگا وزىنە قول سالعان. ول ادامداردى كومەك سۇراۋدان قورىقپاۋعا جانە ءبىر-بىرىنە قولداۋعا شاقىردى.

«ەگەر ءوزىڭىزدى جامان سەزىنسەڭىز, جاقىن ادامدارىڭىزبەن سويلەسىڭىز, كومەك سۇراۋدان قورىقپاڭىز», – دەدى ول.

سونداي-اق, ول باگانىڭ دوستارى كوپ بولا تۇرا, دەر كەزىندە كومەككە ەشكىم كەلە الماعانىنا كىنالى سەزىنەتىنىن جازدى.

باگانىڭ Instagram-داعى سوڭعى جازباسىنىڭ استىندا كوپشىلىگى كوڭىل ايتقان. تانىستارى مەن دوستارى اتاپ وتكەندەي, باگا دەمالىس ارتۇرلى قايىرىمدىلىق جوبالارىنا قاتىسقان. ول ءۇيسىز قالعان يتتەرگە كومەكتەسكەن, سونىمەن قاتار اتاقتى ادامدار جينالاتىن ءتۇرلى كەشتەر ۇيىمداستىردى.

ول 6 شىلدەدە تۋعان كۇنىندە جاريالاعان جازباسىندا ءوزىنىڭ شارشاعانىن جانە دەنساۋلىعى مەن پسيحيكاسىنا كوبىرەك كوڭىل بولگىسى كەلەتىنىن جازىپتى.

«مىنە, مەن 28-دەمىن! وسىعان دەيىن تاپسىرىستار مەن جوبالاردى وتە كوپ الدىم. ەندى دەنساۋلىعىم مەن پسيحولوگياما, ياعني وزىمە كوڭىل بولگىم كەلەدى», – دەگەن ول.

ونىڭ ءولىمى كوپشىلىكتى تاڭ قالدىردى. سەبەبى ەشكىم ونى وزىنە قول جۇمسايدى دەپ ويلاماسا كەرەك.