Almatylyq tanymal aspaz Baga Demalys ózine qol saldy

Foto: ashyq derekkóz

Almatyda tanymal aspaz ári gastro-keshterdi uıymdastyrýshy Baga Demalys 28 jasynda baqılyq boldy. Muny onyń dostary áleýmettik jelide habarlady, dep jazady Qandastar.kz kznews.kz silteme jasap.

Qaıǵyly oqıǵa qazannyń 1-nen 2-sine qaraǵan túni belgili boldy. Aqparatty Almaty polıııa departamentiniń baspasóz qyzmeti rastady.

«Atalǵan fakti boıynsha Medeý aýdandyq polıııa bólimi qylmystyq is qozǵady. Oqıǵanyń sebebi men mán-jaıy anyqtalyp jatyr», – dep atap ótti departament.

Bul jaıt jelini dúr silkindirdi. Blogerler men ónerpazdar áleýmettik jelide talantty da kóńildi tulǵa týraly estelikterimen bólisip, kóńil aıtty.

«Ádemi kúlki ıesi ediń, men seniń kúlimsiregen júzińdi umytpaımyn!» – dep jazdy Abaı Qabdrashıtov Instagram jelisindegi paraqshasynda.

Ánshi Say Mo-nyń málimdeýinshe, Baga ózine qol salǵan. Ol adamdardy kómek suraýdan qoryqpaýǵa jáne bir-birine qoldaýǵa shaqyrdy.

«Eger ózińizdi jaman sezinseńiz, jaqyn adamdaryńyzben sóılesińiz, kómek suraýdan qoryqpańyz», – dedi ol.

Sondaı-aq, ol Baganyń dostary kóp bola tura, der kezinde kómekke eshkim kele almaǵanyna kináli sezinetinin jazdy.

Baganyń Instagram-daǵy sońǵy jazbasynyń astynda kópshiligi kóńil aıtqan. Tanystary men dostary atap ótkendeı, Baga Demalys ártúrli qaıyrymdylyq jobalaryna qatysqan. Ol úısiz qalǵan ıtterge kómektesken, sonymen qatar ataqty adamdar jınalatyn túrli keshter uıymdastyrdy.

Ol 6 shildede týǵan kúninde jarııalaǵan jazbasynda óziniń sharshaǵanyn jáne densaýlyǵy men psıhıkasyna kóbirek kóńil bólgisi keletinin jazypty.

«Mine, men 28-demin! Osyǵan deıin tapsyrystar men jobalardy óte kóp aldym. Endi densaýlyǵym men psıhologııama, ıaǵnı ózime kóńil bólgim keledi», – degen ol.

Onyń ólimi kópshilikti tań qaldyrdy. Sebebi eshkim ony ózine qol jumsaıdy dep oılamasa kerek.