جاڭالىقتار
الماتىلىق تۇلەك پرەزيدەنتتەن ساياسات نۇربەكتى وتستاۆكاعا جىبەرۋدى سۇرادى
فوتو: كازتاگ
الماتىلىق تالاپكەر مەدينا مايسار پرەزيدەنت قاسىم-جومارت توقاەۆتان عىلىم جانە جوعارى ءبىلىم ءمينيسترى ساياسات نۇربەكتى قىزمەتىنەن بوساتۋدى سۇرادى, – دەپ حابارلايدى qandastar.kz.
«سىزدەن كونستيتۋتسيالىق قۇقىقتارىمدى جانە عىلىم جانە جوعارى ءبىلىم مينيسترلىگىنىڭ زاڭسىز ارەكەتتەرىمەن ورەسكەل بۇزىلعان مىڭداعان باسقا تالاپكەرلەردىڭ قۇقىعىن قورعاۋىڭىزدى سۇرايمىن. سونداي-اق, ءوز ۆەدومستۆوسىنداعى قاتەلىكتى مويىنداماي, جاعدايدى تۇزەتۋدەن باس تارتىپ وتىرعان عىلىم جانە جوعارى ءبىلىم ءمينيسترى ساياسات نۇربەكتى وتستاۆكاعا جىبەرۋىڭىزدى سۇرايمىن», – دەيدى مەدينا مايسار.
كازتاگ جازعانداي, ءمادينا مەكتەپتى بيىل اياقتاپ, ۇبت-نى 119 باللعا تاپسىرعان.
«قۇقىقتانۋ» ماماندىعى بويىنشا مەملەكەتتىك گرانتقا قۇجات تاپسىردى, بىراق الا المادى, سەبەبى گرانتتىڭ 20%-ى توتەنشە ايماقتارعا بولىنگەن كۆوتا بويىنشا كەتكەن. مەدينا ول تۇلەكتەردىڭ وزىنەن تومەن بالل جيناعانىن ەسكەرۋدى سۇرايدى.
