الماتىلىقتار شىڭعا شىقتى

الماتىدا 300 ادام شىڭعا شىقتى. شاراعا قاتىسۋشىلار «28 گۆاردياشى-پانفيلوۆشىلار» اتىنداعى شىڭعا جەتۋ ءۇشىن 15 شاقىرىم جولدى جاياۋ ءجۇرىپ ءوتتى. ىلە الاتاۋىنىڭ بيىك نۇكتەلەرىنىڭ ءبىرى تەڭىز دەڭگەيىنەن 4120 مەتر بيىكتە ورنالاسقان. داستۇرگە اينالعان الپينيادا بيىل جەڭىس كۇنىنە ارنالدى. ءارى ول ءتۋريزمدى دامىتۋدى كوزدەيدى. قاجەتتى زاتتارىن ارتىنىپ-تارتىنعان الپينيستەر تاڭسارىدەن جولعا شىقتى. نەگىزگى باعىت «مەدەۋ» مۇز ايدىنىنان باستالدى. ولاردىڭ قاۋىپسىزدىگىن قامتاماسىز ەتۋ ءۇشىن قالالىق قۇتقارۋ جانە جەدەل-جاردەم قىزمەتى كەزەكشىلىك ۇيىمداستىردى. اسەم ەلەمەسوۆا, قالا تۇرعىنى: – بىلتىر قاتىستىم. ارنايى دايىندىق جوق, بىراق اپتا سايىن تاۋعا شىعامىن. نەگىزى تاۋعا شىققاندى جاقسى كورەمىن. مەديتاتسيا سياقتى.