جاڭالىقتار
الماتىنىڭ ەكس-باس ساۋلەتشىسى سوتتالدى
فوتو: Dalanews.kz
الماتىدا الماسحان احمەدجانوۆقا ۇكىم شىقتى, دەپ حابارلايدى qandastar.kz
قالانىڭ بۇرىنعى باس ساۋلەتشىسى الماتىنى دامىتۋعا قاتىستى ءىس بويىنشا كىنالى دەپ تانىلدى.
الماتىدا سوت قالا قۇرىلىسى سالاسىنداعى جەمقورلىققا قاتىستى اتىشۋلى ءىس بويىنشا ۇكىم شىعاردى. الماتىنىڭ بۇرىنعى باس ساۋلەتشىسى الماسحان احمەدجانوۆ كىنالى دەپ تانىلىپ, سوت ونى 11 جىلعا باس بوستاندىعىنان ايىردى.
2023 جىلدىڭ شىلدە ايىندا سىبايلاس جەمقورلىققا قارسى قىزمەت احمەدجانوۆتىڭ الماتىداعى جەر قاتىناستارى سالاسىنداعى جۇيەلى سىبايلاس جەمقورلىققا قاتىسى بار دەگەن كۇدىكپەن ۇستالعانىن حابارلادى. وعان زاڭسىز رۇقسات قۇجاتتارىن بەرگەنى ءۇشىن ايىپ تاعىلىپ, بۇل قالا ماڭىنداعى تاۋلى ايماقتاردىڭ قۇرىلىسقا بەرىلۋىنە جانە مەملەكەتكە شامامەن 500 ميلليون تەڭگە زالال كەلتىرۋىنە سەبەپ بولعانى ايتىلدى.
Dalanews.kz جازعانداي, سوت پروتسەسى بارىسىندا احمەدجانوۆتىڭ قاماۋعا الىنعان كەزدە وتا جاساتقانىن جانە وڭالتۋدى قاجەت ەتكەنىن, الايدا تەرگەۋ يزولياتورىندا وعان قاجەتتى مەديتسينالىق كومەك كورسەتىلمەگەنى انىقتالدى.
