جاڭالىقتار
الماتىنىڭ تاۋلارىندا تۋريستەر اداسىپ كەتتى
فوتو: تجم ءباسپاسوز قىزمەتى
قۇتقارۋشىلار الماتىنىڭ تاۋلارىندا اداسىپ كەتكەن ەكى ءتۋريستى تاپتى, دەپ حابارلايدى qandastar.kz سايتى تجم-عا سىلتەمە جاساپ.
«تۇندە الماتىنىڭ شۇعىل قىزمەتتەرىنە ەكى جاس جىگىت مەدەۋ اۋدانىنداعى «قۇمبەل» شىڭىنان تۇسە الماي جاتقانى تۋرالى حابارلاما كەلىپ ءتۇستى. 2004 جىلى تۋعان ەر ادامدار جولدى تابا المايتىنىن ءتۇسىنىپ, كومەك سۇرادى», — دەپ جازىلعان تجم تاراتقان حابارلامادا.
وقيعا ورنىنا دەرەۋ قر تجم رەسپۋبليكالىق جەدەل-قۇتقارۋ جاساعىنىڭ جەدەل توبى شىقتى. ىزدەستىرۋ-قۇتقارۋ جۇمىستارىندا ۇشقىشسىز ۇشۋ اپپاراتى مەن سپۋتنيكتىك تەلەفون پايدالانىلدى. تاۋلىكتىڭ قاراڭعى ۋاقىتىنا جانە كۇردەلى رەلەفكە قاراماستان, قۇتقارۋشىلار كوكجايلاۋ شاتقالىنان شىڭعا دەيىنگى جولدى جاياۋ ءجۇرىپ ءوتتى.
جىگىتتەر 2850 مەتر بيىكتىكتەن تابىلدى. ولار زارداپ شەكپەگەن جانە مەديتسينالىق كومەككە مۇقتاج بولعان جوق.
قۇتقارۋشىلار الماتىنىڭ قۇتقارۋ قىزمەتىنىڭ قۇتقارۋشىلارىمەن بىرلەسىپ ولاردى ەكوپوستقا دەيىن ءتۇسىردى. سودان كەيىن ولار ءوز بەتىنشە ۇيىنە كەتتى
