ءالنازاروۆا اسكەردەن مۇگەدەك بولىپ ورالعان ەربايان مۇحتاردىڭ جاعدايى تۋرالى ايتتى

فوتو: ۆيدەودان كادر

دەنساۋلىق ساقتاۋ ءمينيسترى اقمارال ءالنازاروۆا سارباز اسكەردەگى قىزمەت كەزىندە باسىنان جاراقات العان ەربايان مۇحتاردىڭ جاعدايىنا قاتىستى پىكىر ءبىلدىردى, دەپ حابارلايدى El.kz اقپارات اگەنتتىگى.

ءمينيستردىڭ سوزىنشە, اسكەري قىزمەتشىنىڭ ءالى دە جاعدايى اۋىر.

ناۋقاستىڭ جاعدايىن باقىلاۋدامىز. قاجەتتى كومەكتىڭ ءبارىن كورسەتۋگە دايىنبىز. ونىڭ جاعدايى ءالى دە اۋىر. ءبىزدىڭ تاراپتان مەديتسينالىق قىزمەتشىلەردىڭ قوسىمشا كومەگى قاجەت بولسا, ونى بەرۋگە دايىنبىز, – دەدى ءالنازاروۆا.

تىلشىلەر مينيسترگە ەربايان اۋرۋحانادان شىققان سوڭ قاجەتتى كومەك, ءتىپتى جەكە باسىنا ارنالعان گيگيەنالىق قۇرالدارمەن قامتاماسىز ەتىلمەگەنىن العا تارتتى. تيىسىنشە اتا-اناسى وزدەرى قاراۋعا ءماجۇر.

جورگەكتەرمەن قامتاماسىز ەتۋ ماسەلەسى ەڭبەك جانە الەۋمەتتىك قورعاۋ مينيسترلىگى مەن جەرگىلىكتى اتقارۋشى ورگانداردىڭ قۇزىرىنا كىرەدى, – دەدى اقمارال ءالنازاروۆا.