Álnazarova áskerden múgedek bolyp oralǵan Erbaıan Muhtardyń jaǵdaıy týraly aıtty

Foto: Vıdeodan kadr

Densaýlyq saqtaý mınıstri Aqmaral Álnazarova sarbaz áskerdegi qyzmet kezinde basynan jaraqat alǵan Erbaıan Muhtardyń jaǵdaıyna qatysty pikir bildirdi, dep habarlaıdy El.kz aqparat agenttigi.

Mınıstrdiń sózinshe, áskerı qyzmetshiniń áli de jaǵdaıy aýyr.

Naýqastyń jaǵdaıyn baqylaýdamyz. Qajetti kómektiń bárin kórsetýge daıynbyz. Onyń jaǵdaıy áli de aýyr. Bizdiń taraptan medıınalyq qyzmetshilerdiń qosymsha kómegi qajet bolsa, ony berýge daıynbyz, – dedi Álnazarova.

Tilshiler mınıstrge Erbaıan aýrýhanadan shyqqan soń qajetti kómek, tipti jeke basyna arnalǵan gıgıenalyq quraldarmen qamtamasyz etilmegenin alǵa tartty. Tıisinshe ata-anasy ózderi qaraýǵa májúr.

Jórgektermen qamtamasyz etý máselesi Eńbek jáne áleýmettik qorǵaý mınıstrligi men jergilikti atqarýshy organdardyń quzyryna kiredi, – dedi Aqmaral Álnazarova.