Jańalyqtar
Alty balany órtten qutqarǵan shymkenttik turǵyn baspanaly boldy
Naýryz merekesiniń qarsańynda Shymkent qalasynyń ákimi Ǵabıt Syzdyqbekov Memleket basshysyna hat jazǵan Sofııa Ýrkýmbaeva men alty balany órtten qutqarǵan Marına Gafarovaǵa páter kiltin tabys etti.
Jańa jyl qarsańynda ótken «Tilekter shyrshasy» dástúrli akııasynda Sofııa Ýrkýmbaeva Prezıdenttiń atyna hat jazǵan bolatyn. Jaldamaly páterde ákesimen birge turatynyn aıtqan kishkentaı qyz Prezıdentten páter suraǵan. Búgin Sofııanyń tilegi oryndalyp, úsh bólmeli páterge ıe boldy.
Sonymen qatar, Ǵabıt Syzdyqbekov alty balany órt ishinen alyp shyqqan Marına Gafarovaǵa da tórt bólmeli páterdiń kiltin tabystady.
О́tken jyldyń 16 jeltoqsanyna qaraǵan túni turǵyn úılerdiń birinde órt shyqqan bolatyn. Qyzyl jalyndy baıqaǵan áıel otqa oranǵan úıdiń terezesin syndyryp kámeletke tolmaǵan balalardy syrtqa shyǵarǵan. Sol sátte qala ákimi kópbalaly ananyń erligine alǵysyn bildirip, tórt bólmeli páterdiń kiltin tabystaýǵa ýáde bergen bolatyn.
Saltanatty sharada Sofııanyń ákesi Rústenbek Úrkimbaev pen Marına Gafarova Memleket basshysyna erekshe alǵysyn bildirdi. Sofııa da óziniń qýanyshyn jasyrmaı, óleń oqyp, ony el Prezıdentine joldady.
