جاڭالىقتار
التى بالانىڭ اكەسى بەتون ارالاستىرعىشقا قۇلاپ, قازا تاپتى
فوتو: اشىق دەرەككوزدەن
قوستاناي وبلىسىندا زاۋىت جۇمىسشىسى بەتون ارالاستىرعىشقا قۇلاپ, قايتىس بولدى, دەپ حابارلايدى Ulysmedia.kz.
وقيعانىڭ ءمان-جايى
قايعىلى وقيعا «بك-ستروي» كومپانياسىنا قاراستى كىرپىش زاۋىتىندا بولعان. قازىر پوليتسەيلەر ەڭبەك قاۋىپسىزدىگى ەرەجەلەرىن بۇزۋ فاكتىلەرى بويىنشا سوتقا دەيىنگى تەرگەۋ امالدارىن جۇرگىزىپ جاتىر.
«26 قىركۇيەكتە قوستاناي اۋدانى سادوۆىي اۋىلىندا كاسىپورىنداردىڭ ءبىرىنىڭ اۋماعىندا 60 جاستاعى شەبەر اۆتوماتتاندىرىلعان بەتون ارالاستىرعىشقا قۇلاپ كەتكەن, ول العان جاراقاتىنان وقيعا ورنىندا كوز جۇمدى», دەپ تۇسىنىكتەمە بەردى پوليتسيا دەپارتامەنتى.
بەلگىلى بولعانداي, ەر ادام رەسمي تۇردە جۇمىس ىستەمەگەن, ونىڭ ورنىنا قىزى «جۇمىس ىستەگەن». مارقۇمنىڭ ارتىندا 6 بالاسى قالىپ وتىر.
