Alty balanyń ákesi beton aralastyrǵyshqa qulap, qaza tapty

Foto: Ashyq derekkózden

Qostanaı oblysynda zaýyt jumysshysy beton aralastyrǵyshqa qulap, qaıtys boldy, dep habarlaıdy Ulysmedia.kz.

Oqıǵanyń mán-jaıy

Qaıǵyly oqıǵa «BK-Stroı» kompanııasyna qarasty kirpish zaýytynda bolǵan. Qazir polıeıler eńbek qaýipsizdigi erejelerin buzý faktileri boıynsha sotqa deıingi tergeý amaldaryn júrgizip jatyr.

«26 qyrkúıekte Qostanaı aýdany Sadovyı aýylynda kásiporyndardyń biriniń aýmaǵynda 60 jastaǵy sheber avtomattandyrylǵan beton aralastyrǵyshqa qulap ketken, ol alǵan jaraqatynan oqıǵa ornynda kóz jumdy», dep túsinikteme berdi polıııa departamenti.

Belgili bolǵandaı, er adam resmı túrde jumys istemegen, onyń ornyna qyzy «jumys istegen». Marqumnyń artynda 6 balasy qalyp otyr.